Urteko azken superilargia, zizarearen ilargia, martxoaren 21ean helduko da
Martxoaren 21ean iritsiko da udaberria eta horrekin batera urteko azken superilargia. Egun horretan, normalean baino % 10 handiago ikusiko da ilargia, beraz ezinezkoa izango da begi hutsez nabaritzea.
Hain zuzen ere, 02:44an sartuko da ilbete fasean, udaberria heldu baino lau ordu geroago. Horrela, martxoaren 20tik 21era doan gauean, 20:18tik 07:44ra egongo da ikusgai.
Bestalde, martxoaren 27an ere protagonismo berezia izango du ilargiak. Izan ere, Jupiterrekin “elkartuko” da, hots, eguzki sistemako planeta handienarekin. Berez, bien artean milioika kilometroko distantzia egongo bada ere, zerura begiratzean elkarrengandik oso gertu ikusiko dira.
Zizarearen ilargia
Ilargi beteek unean uneko gertakariekin lotutako izenak izan ohi dituzte. Izen ofiziala martxoko azken ilargia bada ere, herri-hizkeran zizarearen ilargia ere deitzen diote askok. Urteko sasoi horretan, lurzorua bigunago egoten da, eta zizareak ateratzen dira. Europan beste hainbat izendapen ere baditu: Lenten ilargia, belearen ilargia edo azalaren ilargia, besteak beste.
Azkenik, nabarmentzeko modukoa da hilabete honetako azken larunbatean izango dela ordu aldaketa. Horrenbestez, martxoaren 30etik 31ra doan gauean, 02:00etan 03:00ak izango dira.
Albiste gehiago gizartea
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuko eta Arriaga auzoetako bizilagunek ez dakite oraindik noiz itzuli ahal izango diren euren etxeetara. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, ebakuatutako hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Sutea piztu da Gasteizko LEA fabrikan, eta ke-zutabe handia eragin du
Gamarrako industrialdeko enpresa guztiak hustu dituzte, eta ez da inor zauritu. Gasteizko Udalak etxetik ez ateratzeko eskatu die Abetxuku eta Arriaga auzoetako bizilagunei.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.
Etxebizitza da EAEko herritarren kezka nagusia
Osasunarekiko kezkak behera egin du azken sei hilabeteetan, baina bigarren arazorik garrantzitsuena da (% 36), bizitzaren kostuaren aurretik (% 34). Bestalde, herritarrek 10etik 4,7ko nota jarri diote Imanol Pradales buru duen Eusko Jaurlaritzaren lehen urteari.
174 urteko espetxe zigorra eskatu dute Zizurko institutuko komunetan emakumeak grabatu zituen irakaslearentzat
Probintzia Auzitegian epaituko dute, haurren intimitatearen aurkako delitua eta haur pornografia delitua egotzita, hainbat hilabete ikertzen eman eta gero; guztira, 41 biktima izan dira.