Euskararen normalizazioa azkartzeko konpromisoa berretsi dute 50 gizarte eragilek
2017ko Korrikan Santiago zubiko kilometroan hasitako dinamikaren hurrengo urratsa eman dute hainbat gizarte eragilek Bastidan, Korrikaren 21. edizio honetako 1.252 kilometroan. Erakundeak eta bestelako eragileak batuta agertu dira euskararen normalizazioaren alde.
Martxoaren 23an, 30 gizarte eragilek euskararen normalizazioa azkartzeko konpromiso zehatzak hartu zituzten, “Aro berriari, Klika” dinamikaren barruan, eta bart, Korrikaren ibilbide betean Bastidan egindako ekitaldian, beste 18 eragile batu zaizkio testuari; Nafarroako Gobernua, Iparraldeko Euskararen Erakunde Publikoa eta Eusko Jaurlaritza, besteak beste.
Mertxe Mugika AEKren koordinatzaile nagusiak eta Asier Amondo Korrikaren arduradunak adierazi dute euskalgintzak elkarlan esparru berriak zabaldu dituela, baina hori ez dela nahikoa: “Normalizazioa ez da etorriko soilik norbanakoon konpromisoetatik, baizik eta normalizazioaren ikuspegi hori gizartearen atal guztietan modu zeharkakoan txertatuta”.
Ekitaldia egin eta gero, bertaratutako eragile guztiek ekin diote batera 1.252. kilometroa egiteari.
Testuari atxikimendua adierazterik bada oraindik, eta hauek dira orain arteko sinatzaileak:
UPV/EHU
UEU
UEMA
Udalbiltza
Steilas
Sortzen
Save the Children
Ongi Etorri Errefuxiatuak
Nafarroako Parlamentua
Nafarroako Gobernua
Mondragon Unibertsitatea
LAB
Kontseilua
Ikastolen Elkartea
IKA
Hik Hasi
Gure Esku Dago
Garabide
Eusko Legebiltzarra
Eusko Jaurlaritza
Eusko Ikaskuntza
Euskaltzaleen Topagunea
Euskal moneta
Euskal Herriko Bilgune Feminista
Euskal Herrian Euskaraz
Euskadiko Gazteriaren Kontseilua
Etxerat
Etxepare Euskal Institutua
ESK
ERKIDE
EMAKUNDE
Elkar Fundazioa
Elhuyar
ELA
EHIGE
EH Bildu
EAJ-PNV
Deustuko Unibertsitatea
CCOO
Bizkaiko Foru Aldundia
BIGA BAI
Berria taldea
Arabako Foru Aldundia
AEK
Zure interesekoa izan daiteke
Zabaldu dute N-634 errepidea Zarautz eta Getaria artean, atzo zintzilik geratutako harritzarra erretiratu ondoren
Zarautz eta Getaria (Gipuzkoa) arteko N-634 errepidea 18:15ean ireki dute, ia 24 orduz itxita egon eta gero. Euriteen ondorioz, harritzar bat erori zen atzo segurtasun sarera, eta gaur arratsaldean kendu dute, atzerako hondeamakina baten laguntzarekin.
Radio Vitoriak "Memoriaren indarra" aurkeztu du, 1976ko martxoaren 3ko sarraskia berreraikitzen duen soinu-dokumentala
Gertatu eta mende erdi geroago, polizia armatuaren audio argitaratugabeak eta lekukoen testigantzak jasotzen ditu dokumentala, bala horien oihartzuna inoiz gal ez dadin. David Saenzek zuzendutako dokumentalak 30 elkarrizketa biltzen ditu; horien artean, Rodolfo Martín Villari egindakoa.
Eusko Jaurlaritzak sektore publikoko langileen soldata % 1,5 igotzea onartu du
Igoera hori otsaileko nominan aplikatuko da, eta atzeraeraginezko ondorioak izango ditu urtarrilaren 1etik aurrera.
Korrika baliatuz 36 migratzaileri muga zeharkatzen lagundu zieten zazpi ekintzaileak errugabe jo dituzte
2024ko martxoan 36 migratzailek Irungo Santiago zubia zeharkatu zuten, Korrikarekin batera eta hainbat ekintzaileren laguntzarekin. Frantziako Justiziak horietako zazpi auzipetu zituen, eta 10 urterainoko zigorra eta 250.000 euroko isuna eskatu zuen haientzat.
Eusko Jaurlaritzak 817 milioi euroko inbertsioa egingo du 2030era arte, familia, haur eta nerabeei laguntzeko
Familiei, Haurrei eta Nerabeei Laguntzeko Erakundearteko Plan berriak (2026-2030) jasotzen dituen neurrien artean dago, besteak beste, haurrak lau urte bete arte familiek hilero jasoko duten 200 euroko laguntza. Aurtengo lehenengo hiruhilekoan onartuko du Jaurlaritzak neurri berria eta 2026ko urtarrilaren 1etik izango du eragina.
Emakunderen ikerketa baten arabera, bakarrik bizitzea "ikasketa bat da, aukera bat" adineko emakume askorentzat
'Euskal Autonomia Erkidegoan bakarrik bizi diren adineko emakumeak: emandako gizarte-baimena?' txostenaren arabera, bizilagunik ez izateak du esan nahi bakarrik sentitzen direla, gizarteak adineko emakumeei buruz duen irudi estereotipatutik hori ondorioztatzen den arren.
Duela 5.000 urte izoztutako bakterio batek hamar antibiotikori aurre egin diezaieke eta sendagaiak sortzeko baliagarria izan daiteke
Errumaniako izotz-kobazulo batean isolatuta egon da anduia, eta bi agertoki ekarri ditu: askatuz gero, mikrobioen aurkako erresistentzia larriagotu dezake, baina berrikuntza bioteknologikoei atea ireki diezaieke.
Bost gazte hil dira Manlleun (Bartzelona), trasteleku batean izandako sute batean
Bost gazteek "elkargune" gisa erabiltzen zuten trastelekua, eta oraindik ez dago argi zer egiten ari ziren sua piztu denean. Mossoek baztertu egin dute trastelekua bizitoki moduan erabiltzen zutela.
Hainbat errei itxi dituzte Bizkaian eta Gipuzkoan, luiziak eta ur putzuak direla eta
BI-630 errepidean errei bat itxi dute Karrantza parean, luizi bat izan baita. Halaber, lur-jausi bat izan da N-1 errepidean ere, Idiazabal parean, eta errei bat itxi behar izan dute. Hori guztia dela eta, Segurtasun Sailak arretaz gidatzea gomendatzen du.
Amaitu dira auto-ilarak BI-10 errepidean, Barakaldo parean bi ibilgailuk istripua izan ondoren
Ezbeharra 124. kilometroan gertatu da, Donostiarako noranzkoan, eta bost kilometrorainoko auto-ilarak sortu dira.