Errefuxiatuen errealitatea zifratan
Nazio Batuen Erakundeak Errefuxiatuaren Nazioarteko Eguna ospatuko du ostegun honetan, urtez urte okerrera doan arazoari ikusgarritasuna eman nahian.
Nazio Batuen Errefuxiatu Agentziak zabaldutako datuen arabera, hauek dira errealitate gordin horren zifra adierazgarrienak:
- 2018an, minuturo, 25 pertsonak alde egin zuten behartuta beren etxeetatik. Ondorioz, egunero 37.000 migratzaile gehiago izan dira.
- Guztira, 70,8 milioi pertsona baino gehiagok egin behar izan dute ihes etxetik. Nazio Batuen Erakundeak duela 70 urte migratzaileei buruzko erregistroa sortu zuenetik –Bigarren Mundu Gerraren ondotik-, inoiz izan den zifrarik altuena da.
- Duela 20 urteko datuekin alderatuz gero, egun errefuxiatuen kopurua bikoiztu egin da. Azken urtean 2,3 milioi migratzaile gehiago izan dira, Turkia edo Thailandiako biztanleria osoaren beste.
- Nazio Batuen Errefuxiatu Agentziaren iritzian, errefuxiatu kopuru orokorraren zifra ez da zuzena. Migratzaileak 70,8 milioi baino gehiago direla uste du, besteak beste, Venezuelako krisiagatik ihes egin duten pertsona guztiak aintzat hartu ez dituztelako. Venezuelan migratzaileak 4 milioi pertsona izan daitezkeela kalkulatzen dute.
- Migratzaileak hiru taldetan banatzen dira:
Errefuxiatuak: Gatazka eta gerren ondorioz beren herrialdetik alde egin behar izan dute pertsonak. Egun, 25,9 milioi errefuxiatu daude munduan.
Asilodunak: Beren herrialdetik kanpo dauden, baina nazioartearen babesa lortu duten pertsonak. Egun, 3,5 milioi lagun daude egoera horretan.
Desplazatuak: sorlekutik irten eta herrialde bereko beste leku batera joan behar izan diren pertsonak. Egun, 41,3 milioi desplazatu daude.
- Iaz, errefuxiatuen % 50 adin txikikoak ziren, eta 111.000 bakarrik zeuden.
- Bost errefuxiatutatik lau, gutxienez bost urtez egon dira beren sorterritik kanpo.
- Iaz, asiloa eskatu zuten gehienak venezuelarrak ziren: 341.800.
- Iaz, 108 pertsonetatik bat migratzailea zen. Duela hamar urte, 160 lagunetatik bat zen migratzailea. Beraz, kopurua goraka doa.
Zure interesekoa izan daiteke
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen ari da atera dadin.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.