Milaka pertsonak hartu dute parte, normaltasunez, Irungo alardeetan
Alarde tradizionalak, 19 konpainiatan banatutako 8.000 soldadu eta 19 kantinerekin, eta alarde parekideak, 11 konpainiatan banatutako 1.800 pertsonarekin, normaltasun osoz eta jendetzaren babesean zeharkatu dituzte Irungo kaleak, San Martzial egun honetan.
Aurreko urteetan bezalaxe, Jose Antonio Santano alkate sozialistak tradizionalei bakarrik egin die harrera udaletxean, hau da, emakumeei soldadu gisa ateratzen uzten ez dieten konpainiei.
Denis Itxaso PSE-EEko kide eta Kultura diputatua bi alardeetan izan da ikusle, eta agintariei "zubi lanak" egitea eskatu die: "Egon daitezela bi alardeetan, nahiz eta bat edo bestea iruditu interesgarriago, zilegiago edo erakargarriago".
"Ordezkari politikoek zubi lanak egin behar dituzte", berretsi du. Itxasoren esanetan, "pedagogia" egin behar da, "bateragarriak" direlako. "Jendea zoriontsu eta alai ikusten dut, bateragarria da; modu naturalean egin dezagun, jai, bizikidetza eta parte-hartze parekidea bateragarriak izan daitezen, arazorik gabe", adierazi du.
Itxasoz gain, alarde parekideari babesa ematen izan dira Julia Hernandez Arartekoaren ondokoa, Izaskun Landaida Emakunderen zuzendaria, Oihana Etxebarrieta EH Bilduren legebiltzarkidea, Juan Karlos Izagirre koalizio abertzalearen bozeramailea eta Arantza Gonzalez Ezker Anitza-IU eta Elkarrekin Podemoseko kidea, besteak beste.
Izagirrek eta Etxebarrietak azpimarratu dute jaiak "egokitzen" ari direla "emakumeen parte-hartzea bermatzeko", eta Tolosa eta Antzuola jarri dituzte adibide gisa. Eskerrak eman dizkiete duela 21 urte alarde parekidearen alde lanean hasi ziren gizon-emakumeei, eta gogor kritikatu dute Santano, Markel Olano ahaldun nagusia eta Iñigo Urkullu lehendakaria alarde parekideari babesa ematen ez egotea.
Irungo alardea. Argazkia: EITB
Egitaraua
Alarde tradizionala 07:40 aldera abiatu da Urdanibia plazatik. Paco Carrillo jeneralak soldaduei egin die harrera, eta normaltasunez egin dute desfilea. Ohiko deskargen ostean, soldaduak elizara joan dira, ondoren berriro Urdanibiara itzuli aurretik.
Alarde parekidea, bestalde, 10:20ean atera da Urdanibia plazatik, eta inolako arazorik gabe eta ehunka pertsonaren babesean egin du desfilea.
Jai honekin, Irunek 1522ko ekainaren 30ean Frantziako soldaduei irabazi izana oroitzen dute.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.