Lau polizia taldetako 2.600 agentek koordinatuta lan egingo dute sanferminetan
Lau polizia taldetako 2.600 agentek larunbatetik aurrera Iruñean eta Nafarroa osoan lan egingo dute, aurten zaldi gaineko poliziak ere izango dituen dispositibo batean, 2019koak sanfermin “seguru eta gizalegezkoak” izan daitezen, nola prebentzio aldetik hala balizko delituen aurreko erantzunari dagokionez.
Hori azaldu dute, gaur, astelehenarekin, bertan parte hartuko duten segurtasun talde eta indarretako (Polizia Nazionala, Guardia Zibila, Foruzaingoa eta Iruñeko Udaltzaingoa) arduradunek jopuntuan, sexu erasoak, ebasketak eta lapurretak jarrita “koordinatuta” jardungo den dispositiboa itxitzat eman eta gero.
Dispositiboa osatzen duten 2.606 agenteetatik 700 Polizia Nazionalekoak dira, 796 Guardia Zibilekoak, 710 Foruzaingokoak (300, beren-beregi hiriburuan) eta 400 Iruñeko Udaltzaingokoak. Gainera, Babes Zibileko 160 laguntzaile Iruñeko erdigunean barreiatuta ibiliko dira jaietan.
Jose Luis Arasti, Espainiako Gobernuak Nafarroan duen ordezkaria, buru izandako segurtasun-batzarrean gogora ekarri dutenez, sanferminetako delitu ohikoenak ebasketa txikiak, iruzurrak eta engainuak eta etxeetako lapurretak dira.
“Sexu askatasunaren aurkako delituengatik ere kezkatuta gaude”, esan du Arastik La Manada taldean egindako bortxaketa gogoan hartuta, eta erantsi du iruindarrak auzi horretan “duintasunaren eredu” izan direla, “zero tolerantzia” erakutsita. Halaber, Arastik gehitu du polizia taldeak jarrera horiei aurrea hartzeko lanean ari direla eta horrelakorik gertatzekotan ez direla zigorrik gabe geldituko.
Albiste gehiago gizartea
Iruñea, sanferminei hasiera emango dien txupinazoaren zain
Ordu gutxi falta dira sanferminetarako, eta Iruñean dena prest dute jaiei hasiera emateko. Yala Nafarroa Palestinarekin elkartea arduratuko da aurtengoan txupina botatzeaz.
Gipuzkoako alkateek soka berari eutsi diote, "Ipuscua" hitzaren milurtekoan
Txistu eta danbolinaren erritmoan dantzatu dira Gipuzkoako 70 bat alkate eta alkateorde. Diputatu nagusia buru, eskutik helduta, jostari aritu dira soka-dantzan. Horrela ospatu dute Gipuzkoako alkateek Tolosan "Ipuscua" hitzaren milurtekoa.
Gizon bat atxilotu dute Bilbon emakume bat itotzen eta labankatzen saiatzeagatik
Eztabaidan ari zirela, gizona emakumea itotzen saiatu da, eta konorterik gabe utzi du. Ondoren, labana bat hartu du sastatzeko, baina pisukide batek eragotzi egin dio.
Dozenaka lagun bildu dira Iruñeko udaletxearen aurrean, "odolik gabeko" sanfermin batzuen aldeko protestan
Bi egun bakarrik falta dira sanferminetako lehen entzierrorako. Hori horrela, dozenaka pertsona bildu dira Iruñeko udaletxearen aurrean, entzierroen amaiera eskatzeko. Bertan, Anima Naturalis eta PETA taldeetako ordezkariek antzezpen artistikoa egin dute, 11:00etan. Kontzentrazio baketsua izan den arren, oinezko batek iraindu egin ditu bertan bildutakoak.
Sanferminetako izaera herrikoia sendotu nahi izan dutela dio Joseba Asiron Iruñeko alkateak
Sanferminak abiatuko dituen txupinazoaren bezperan, prestatu dituzten aurtengo "jai herrikoi, irisgarri eta inklusiboei" buruz mintzatu da Joseba Asiron Iruñeko alkatea. Tasa turistikoa eta zezenketen gainean ere argi hitz egin du.
Renfek 8.000 autobus baino gehiago programatuko ditu uztailaren 25etik irailaren 21era, Gipuzkoan, obrengatik
Konpainiak ohar batean adierazi duenez, lan horien ondorioz, uztailaren 25etik irailaren 21era bitartean eten egin behar da tren zerbitzua aldirietako zerbitzuaren tarte jakin batzuetan eta distantzia ertain eta luzeko ibilbideetan.
Behin-behineko espetxealdia 71 urteko gizon batentzat, neska adingabe bati sexu-erasoa egiteagatik
Uztailaren 1ean, adingabe batek Ertzaintzan jarritako salaketa baten ondorioz, jakin zen 2024. urtearen amaieratik salatzailea adineko gizon batekin sexu-harremanak izatera behartu zuela hirugarren batek, diru-truke.
Luizi handi batek Panticosako (Huesca) bainuetxera doan errepidea moztu du
A-2606 errepidea itxi duen luizi handia ostegunean gertatu zen, ekaitz gogor bat izan ondoren. 300 pertsona inguru geratu dira Panticosako bainuetxean harrapatuta. Langileak lanean ari dira errepidea asteburu honetan bertan ireki ahal izateko.
Arrasaten sute batean zauritutako gizona hil egin da
Sutea ostegunean jazo zen, etxebizitza-bloke bateko sotoetan. 41 urteko gizona Gurutzetako Ospitalean hil da.
Renfe programa más de 8000 circulaciones de autobuses del 25 de julio al 21 de septiembre en Gipuzkoa por obras
En un comunicado, Renfe ha indicado que estos trabajos obligan a la interrupción del servicio ferroviario entre el 25 de julio y el 21 de septiembre en determinados tramos del servicio de Cercanías y los trayectos de Media y Larga Distancia.