Espainiako hamar gaztetik zazpik lineako indarkeria pairatu zuten txikitan
Adingabeek teknologia berriez egiten duten erabilera eta jasaten duten lineako indarkeria azaltzeko, Indarkeria birala txostena argitaratu du Save the Children erakundeak. Horren arabera, hamar pertsonatik zazpik lineako indarkeria pairatu zuten txikitan.
Save the Childrenen galdetegiak jaso duenez, ziberjazarpena da indarkeria modurik ohikoena nerabeen artean. 529.000 gaztek sufritu omen zuten txikitan. Indarkeria mota hori 8 eta 9 urteen bitartean ematen da lehen aldiz, eta, kasuen % 45,8n, erasotzailea ikastetxeko kide bat edo lagun bat izaten da.
Save the Children erakundeak #ViolenciaViral kanpaina abiatu du umeek esparru digitalean pairatzen duten indarkeria ezagutzera emateko, eta Haurrekiko eta Nerabeekiko Indarkeriaren aurkako Babes Integraleko Lege Organikoa lehenbailehen onartzeko eskatu dio Gobernuari.
Galdetutako pertsonen erdiak baino gehiagok ez zuela erabilpen araurik edo gurasoen kontrolik ere salatu du erakundeak. Save the Childrenentzat oso garrantzitsua da familiek sare sozialak arduraz erabiltzearen alde jardutea eta seme-alabei arriskuen berri ematea. Familiei laguntzeko, Gurasoen Gidaliburua bezalako edukiak garatu ditu.
Gazteek gehien sufritzen duten beste indarkeria modu bat sexu edo indarkeria edukiak nahi gabe jasotzeko arriskua da. Mundu fisikoko eta birtualeko indarkerien arteko harremanaz eta elkarbizitzaz ere hitz egin dute txostenean.
Save the Childreni buruz
Save the Children mundu osoan haurren eskubideen defentsan ari den erakunde independente nagusia da, 100 urte daramatza ume guztien biziraupena, ikasketak eta babesa bermatzeko lanean, eta gaur egun 120 herrialde baino gehiagotan ari da.
Espainian ume ahulenak artatzeko programak bultzatzen ditu, pobrezia eta gizarte bazterketa jasateko arriskuan daudenei arreta berezia eskainiz.
Zure interesekoa izan daiteke
Zestoako sei pertsona epaituko dituzte gaur, horietako baten bikotearen integritate moralaren aurkako delitua egotzita
Akusatuen artean dago salaketa jarri duen gizonezkoaren bikotekide ohia, baita Zestoako alkatea ere. Akusazio partikularrak bost urte arteko espetxe zigorrak eskatu ditu, eta mugimendu feministak uste du epaitzen ari direna elkartasun feminista dela.
Albiste izango dira: Guggenheim Urdaibai proiektuari buruzko erabakia, greba orokorra eta ETB ON plataformaren aurkezpena
Gaurkoan Orain-en albiste izango direnen laburpena, bi hitzetan.
Guggenheimek Urdaibairako daukan proiektuaren etorkizuna, argitzear
Gaur egingo du erabakia hartzeko bilera Guggenheim museoaren patronatuak. EITBk duela aste batzuk jakin ahal izan zuenez, gehiengoak proiektua alboratzearen alde egingo du.
Kamioilari bat hil da AP-8an Irunen izandako istripu batean
Bi kamioik elkar jo dute Baionaranzko norantzan. Ondorioz, autobidea itxi behar izan dute eta auto-ilarak sortu dira.
Gehiago eta hobeto bizitzen ikasteko proiektu batean parte hartzen ari dira 65 urtetik gorako 600 bizkaitar
Biobizkaia Institutuaren azterketak mendekotasuna prebenitzea eta osasuna zaintzea du helburu, baina ez da azterketa medikoetan bakarrik geratzen. Parte hartzaileek nutrizioari, mikrobiotari eta ohiturei buruzko hitzaldiez ere gozatzen dute, beren ongizatearen hobetzen laguntzeko.
Euskadi eta Katalunia Unescoren eta Turismoaren Nazioarteko Erakundearen kide izatea sustatuko du Espainiako Gobernuak
Horrekin batera, "estatutu zabalago bat" eskatu du Espainiako Gobernuak, "lurralde horiek kulturaren eta turismoaren arloan dituzten eskumenak garatu ahal izateko". Juntsekin adostutako akordioen barruan kokatu du iragarpen hori Pedro Sanchez presidenteak.
Padura artifizialak sortu eta etorkizuneko eraikinetako kotak igoko ditu Jaurlaritzak, itsas mailaren igoerari aurre egiteko
Egoerarik okerrenean, itsasoaren maila 0,72 metro igo liteke 2100. urterako. Horrek guztiak zuzenean eragingo die EAEko biztanleriaren % 32ri (700.000 pertsonari baino gehiagori) kostaldean eta bokaletik hurbil dauden ibai haranetako biztanleei. Hori dela eta, Eusko Jaurlaritza onartu du, behin-behinean, Itsasertza Babestu eta Antolatzeko Lurralde Plan Sektorialari.
Duela 80 milioi urte baino gehiago Barrikan (Bizkaia) izandako glaziazio batek ezbaian jarri ditu eredu klimatikoak
Kretazeoan izotzik gabeko Lur planeta baten aukera errefusatuko luke aurkikuntza horrek, eta komunitate zientifikoan errotuta dagoen ideia hautsi, hau da, garai hartako klima izugarri beroa izan zela, planetaren historiako tenperatura altuenetakoak izateraino.
Gizon bat atxilotu dute Santurtzin, faltsututako Athleticen 2.070 kamiseta izateagatik
Atzemandako materialak 132.000 euroko balioa izango luke merkatuan, Bizkaiko Guardia Zibilak egindako kalkuluen arabera. Atxilotuari jabego industrialaren aurkako delituak egitea leporatzen diote.
Gizon bat atxilotu dute Araban, adingabeen argazkiak AArekin manipulatu eta haur pornografia sortzea egotzita
Poliziaren arabera, atxilotutakoak adingabeen argazkiak hartzen zituen kalean eta igerileku publikoetan, eta adimen artifizialarekin manipulatzen zituen biluzik ager zitezen.