Bermeok XVI. mendeko Tribis baserriaren teila itsasora bota du
Bermeo (Bizkaia) Madalen Eguna ospatzen ari da astelehen honetan. Izaro uhartea protagonista da. Ohiturari jarraituz, Aritz Abaroa alkateak teila bota du itsasora. Aurten XVI. mendeko Tribis baserriaren teila bota dute.
Udalak jakitera eman duenez, besteak beste, Unai Rementeria Bizkaiko ahaldun nagusia, Josu Erkoreka Eusko Jaurlaritzako bozeramailea, Lorea Bilbao Euskara eta Kultura Foru diputatua eta Izaskun Bilbao europarlamentaria bertan izan dira.
Aritz Abaroa Bermeoko alkatea hunkituta azaldu da teila botatzearekin; izan ere, "orain arte beste ikuspuntu batetik bizi izan du, eta asko disfrutatzen nuen, baina nik teila jaurtitzea oso hunkigarria izan da".
"Guretzat, Madalen Eguna oso egun berezia da, erantzukizun eta urduritasun puntu bat nuela aitortu beharra dut. Oso pozik nago dena oso ondo atera delako. Jai giroa ikustea oso atsegina da, bermeotarrak eta kanpotarrak disfrutatzen ikustea. Madalen Eguna guztiona da", erantsi du.
Izaroko uhartearen ipar-ekialdean dauden mugak markatzeko, Abaroak Tribis baserriko (XVI. mendea) teila bat bota du. Baserria Bermeoko Artika auzoan dago.
"Bermeok historikoki harreman estua izan du itsasoarekin eta lurrarekin, ekitaldi honekin harreman hori goraipatu nahi da. Itsasoa eta lurra, biak osagai garrantzitsuak, biek Bermeo osatzen dutelako. Herriak bederatzi landa auzo ditu, haien garrantzia azpimarratzeko horietako baten teila bota dugu", nabarmendu du Udalak.
Santa Eufemia elizan meza nagusia eman dute 11:00etan. 11:50 aldera Udalbatza Sabino Arana plazan (Goiko Plaza) bildu da. 'Alkate soinua' entzun ondoren portura joan dira kalejiran, Kakinkabara txistu taldearekin. Ibilbidean, Madalen Egunaren zortzikoa jo dute txistulariek.
12:00etan portura heldu dira, eta ondoren Izarora joateko ontziratu dira. Uhartera iritsi direnean, Udalak Bermeoko bandera eta ikurrina altxatu ditu, eta alkateak, ohiturari jarraituz, teila bota du, Bermeoren mugak berretsiz.
13:30 aldera Elantxobera heldu dira. Herriko plazan aurreskua dantzatu da. Aldez aurretik, makila eman dio Elantxobeko alkateak Aritz Abaroa Bermeoko alkateari.
Albiste gehiago gizartea
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sexu-zerbitzuen iragarki faltsuen bidez gizonak estortsionatzen zituen talde kriminal bat desegin dute
Guardia Zibilak lau emakume identifikatu ditu ustez estortsioagatik, talde kriminaleko kide izateagatik eta dirua zuritzeagatik. Biktimak sei probintziatan daude; dirudienez, mehatxatu egiten zituzten sexu-zerbitzuen ustezko iragarkien bitartez harremanetan jarri ondoren.