Zeinu-interpretea eta braillera egokitutako egitaraua izango du Aste Nagusiak
Bilboko Udalak Aste Nagusi inklusibo baten aldeko apustua egin du; horretarako, esaterako, zeinu-interprete bat izango da jaien pregoian, haur-antzerkietan eta kaleko antzerkian; irakurketa errazera eta braillera egokitutako egitaraua argitaratuko dute; lehentasunezko tokiak gordeko dituzte kontzertuetan dibertsitate funtzionala duten pertsonentzat eta komun egokituak jarriko dituzte jaietako gune guztian.
Horrenbestez, Udalaren asmoa da dibertsitate funtzionala duten pertsonek Bilboko Aste Nagusian programatutako jardueretan parte hartu ahal izatea, jaiak guzti-guztientzat izan daitezen.
Horrela, batetik, Bilboko Udalak zeinu-hizkuntzako interprete bat jarriko du Aste Nagusiko ekitaldi hauetan: Arriaga antzokiko agurrean eta pregoian; Txikiguneko haurrentzako antzerki-lanetan (abuztuaren 19an, 20an, 21ean, 24an eta 25ean); eta Arriaga plazako kaleko antzerki-lanetan (abuztuaren 19ko, 20ko eta 22ko eguerdiko saioetan).
Kale antzerkia Bilboko Arriaga plazan. Argazkia: Bilboko Udala
Bestetik, Bilboko leku estrategikoetan, jaietako egitaraua braillez eskainiko da. Leku hauetan eskuratu ahal izango da: Bilbao Turismoren bulegoetan (Plaza Biribila, 1, behea, eta Guggenheim museoaren ondoko etxola); ONCEren egoitzan (Perez Galdos, 11); Aireportuko informazio-puntuan; Bilboko Burtsaren eraikineko udaltegian; Txikiguneko informazio-puntuan, eta Abandoko udaltegian (Elkano kalea, 20).
Gainera, jaietako egitaraua eta aplikazioa irakurketa errazera egokitu da, errazago uler dadin. Aplikazioaren nobedadea da aurten. Hizkera argia eta zehatza du eta testuarekin batera irudiak erabiltzen dira. Irakurketa errazak adinagatik, prestakuntzagatik, hizkuntza ondo ez jakiteagatik edo beharrizan zehatzengatik ulertzeko arazoak dituztenek ere ulertzea ahalbidetzen du. Egitaraua “Bilbao Aste Nagusia” aplikazioan izango da eskura formatu digitalean.
Bestalde, Txikigunean, eskala txikiko Marijaiaren erreprodukzio bat egongo da ikusmen urria duten pertsonentzat, eta Gargantua egokitu bat, mugikortasun urria duten umeentzat. Bertan egiten diren jarduera guztiak pertsona guztien parte-hartzea bermatzeko diseinatu dira, eta monitore espezializatuak izango dira bertan. Bilboko Udalak jai-eremu gehienak egokituko ditu dibertsitate funtzionala duten pertsonak iristeko modua izan dezaten.
Halaber, leku batzuk erreserbatuko dira Abandoibarra etorbideko kontzertuetan (agertokiaren albo batean), Gizakunde elizan (kontzertua hasi baino ordubete lehenago arte) eta Europa parkean dibertsitate funtzionala duten pertsonentzat.
Komun egokituak ere izango dira jaigune osoan.
Zure interesekoa izan daiteke
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe eskainiko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.