Kontrolik gabe hedatzen ari da Kanaria Handiko sutea
Vallesecoko goialdeko (Kanaria Handia) sutea itzaltzeko lanetan daude suhiltzaileak. Hondamendiaren eraginez, 4.000 pertsona ebakuatu dituzte. Suak 1.700 hektarea artean erre ditu.
Aireko baliabideek sua itzaltzeko lanak hasi dituzte gaur goizean. Horrela, atzo bertan behera geratu ziren lanei berriro ekin diete.
Guztira, bederatzi helikoptero eta bi hegazkin sugarrak itzaltzen saiatzen ari dira. Aldi berean, 600 eta 700 arteko lurreko profesional bigarren mailako sutea amatatzeko lanak egiten ari dira txandaka.
Gainera, bederatzi errepide itxi dituzte, Kanaria Handiko Gobernuak adierazi duenez.
Sua 16:00ak aldera hasi zen, Cueva Corcho eta Crespo artean dagoen Los Pajaritos sakanean, oraindik ezezagunak diren arrazoiengatik. Aurreko egunetan, Kanaria Handiko gehienezko tenperatura 40 gradura heldu zen, eta haize gogorrak jaso zituzten.
Ebakuazioak
Sua dela eta, herritarrak ebakuatu dituzte Kanaria Handiko hainbat lekutan: Lanzaroteko goialdean, El Pradon, Calderetasen, Cuevecillasen, Madrelaguan eta Valsenderon, Vallesecon; Lomo de Aríñezen, Risco Prieton, Aríñezeko goialdean eta La Culata auzoan, San Mateon; Juncalillon, Fagageston, El Tabladon eta Las Cuevasen, Galdarren; eta Las Arvejas auzoan, Artenaran, besteak beste.
Etxetik ateratako pertsona horiek euren senideen etxeetara edo aterpetara eraman dituzte, esaterako, Fernando Guanarteme Haur eta Lehen Hezkuntzako Ikastetxera eta San Mateoko eta Vallesecoko aterpeetara.
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.