8.000 pertsona ebakuatu dituzte Kanaria Handian kontrolik gabe hedatutako suteagatik
Valleseco udalerriko amildegi batean larunbatean jasotako baso-sutearen eraginez, 8.000 pertsona inguru etxetik atera dituzte Kanaria Handiko goialdeko eta iparraldeko hainbat herritan.
Kanarietako 112ko bozeramaile batek adierazi duenez, 700 pertsona baino gehiago eta 16 aireontzi sutea itzaltzen saiatzen ari dira, igande gauean 400 profesional egiten ari ziren lanak jarraituz. Horiek ezin izan dute sua itzali eta, ondorioz, sugarrak Tamadaba Parke Ekologiko Naturalera hedatu dira, ipar-mendebaldean.
Aireko baliabideak ondorengo hamasei aireontziak osatzen dute: lau hidrohegazkin, baso-hegazkin bat eta hamaika helikoptero, bederatzi sua itzaltzeko eta bi koordinazio lanak burutzeko.
Suteak eragindako ingurune-kaltea izugarria izan da, suak hainbat espazio natural erre baititu, besteak beste, balore handiko Tamadaba Parke Ekologiko Naturala. Orain arte, ez dituzte kalte pertsonalik jaso, sua "interfaze" izeneko espazioetara heldu arren; teknikoek interfaze deitzen diete horietan landaredia eta etxebizitzak nahasten direlako.
Ebakuatutako pertsonak
Etxetik atera dituzten pertsonen kopurua kalkulatzeko, ebakuatu dituzten auzoen errolda ofiziala erabili dute. Izan ere, 400 pertsona baino ez dute aterpetan igaro gaua. Aterpeak San Mateon, Terorren, Galdarren, Moya, Agaeten eta Tunten eskaini dituzte.
Bestalde, 40 pertsona Artenarako kultura zentroan egin dute lo, suaren egoera dela eta, horretatik ateratzea oso arriskutsua delako. Larrialdietako zerbitzuak handik lehenbailehen aterako dituzte.
Igande gauean, pertsona gehiago ebakuatu dituzte: alde batetik, 3.784 biztanle bizi diren Vallesekoko hirigunea eta El Carrizal de Tejeda auzoa eta, bestetik, Agaeteko El Valle eta El Risco auzoak, uhartearen ipar-mendebaldean, suaren erdigunetik gertu.
Ebakuatu dituzten azken eskualdeak hurrengoak dira: Piletas eta Troya, Agaeten, eta Saucillo, Galdarren.
Zure interesekoa izan daiteke
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.