SOS Arrazakeria eta kaleko saltzaileek ‘jazarpen arrazista’ salatu dute
Bai SOS Arrazakeria GKEak eta baita Mboolo Mooye Doolek, kale saltzaileen elkarteak, elkarretaratze bat egin dute Bilboko Udaletxearen aurrean asteazkenean Arenaleko zubian izandako istiluen harira. Gertakariak hainbat herritarren haserrea eragin zuen eta, udaltzain bat zauritua izateaz gain, bi pertsona atxilotu zituzten.
Aldi berean, “neurrigabeko giza dispositiboa izan zela eta polizia-agenteen indar erakustaldia salatu dute. Haien arabera, poliziak ez ditu errespetatzen Aste Nagusian “diru-sarrera bat beren buruei sortzen dieten pertsonak”.
Protestan zehar “Manteroak be jaixetan, sobrevivir no es delito” irakur zitekeen pankarta bat erakutsi dute. SOS Arrazkeria Bizkaiaren bozeramaileak, Elena Bezanillak, adierazi du asteazkeneko “esku-hartzea Udaletxeak zailtasun sozial handienak dizkienei ezartzen dizkien etsaitasun politiken beste adibide bat dela”.
Erakundearentzat, “poliziaren eragin arrazistak” erakusten du “jokamolde egokien eta hizkera jasoko hitzaldien atzean talde prekarioen aurkako era guztietako praktika arrazista eta zigortzaileak ezkutatzen direla.
“Diru-sarrerak”
Egoera horren aurrean adierazi du ez kale saltzaileen jazarpenak, ezta beraien jardueraren kriminalizazioak ere ez diela irtenbidea emango gizartearen zati handi batek dituen beharrei.
SOS Arrazakeriak eta Mboolo Mooye Doolek Udaletxeari leporatu diote “euskal gizartea krudeltasunaren antzerkiaren ikusle egitea bakarrik bilatzen duela.
Horregatik, “Udaletxearen indarkeria arrazistari kasurik egin gabe”, jasotako “babes soziala” eskertu dute eta “harreman sozialak indartzen eta babes sareak sortzen” jarraituko dutela azaldu dute.
Baba, kale saltzaileen ordezkariak Udaletxeari “politika arrazista alde batera uzteko eskatu dio, bere etsaitasunarekin indarkeriara bultzatzea bakarrik lortzen duela” argudiatuz. Gaineratu du “horrela bizitza komunitario lasai batengandik aldentzen dela” eta “kalea guztiena dela” aldarrikatu du, “bizirautea ez dela delitua, eta kaleko saltzaile izatea ezta ere”.
Zure interesekoa izan daiteke
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.