Patriarkatua maila eta egitura guztietan dago, Emakunderen ikerketa baten arabera
Gaur egungo gizartean, patriarkatua maila eta egitura guztietan dagoela ondorioztatu du Emakunde Emakumearen Euskal Erakundeak aginduta egindako ikerketa batek.
Izaskun Landaida Emakundeko zuzendariak eta "Demokrazia patriarkala Euskal Autonomia Erkidegoan" ikerketaren egileetako batek, Jule Goikoetxeak, lan horren ildo nagusiak aurkeztu dituzte astearte honetan. Hain zuzen ere, Euskadin patriarkatua areagotzen duten mekanismoak, eta horiek emakumeen ongizatean, ahalduntzean eta demokratizazioan dituzten ondorioak ikertu dituzte.
Hain zuzen ere, lau arlotan oinarritu da ikerketa: harreman patriarkalak ordaindutako lanetan eta ordaindugabekoetan, ongizatearen erregimenean eta arlo sozio-politikoan.
Horietan guztietan kapital ekonomikoa, soziala, kulturala eta sinbolikoa emakumeen eta gizonen artean nola banatu den ikertu dute, genero ezberdintasunen berri izateko.
Ordaindutako lanean: aldi baterako enplegua emakumeentzat izan ohi da, ikasketen aukeraketan dagoen bereizketak lan banantzean ere bereizketa dakar, emakumezkoen lanpostuak gutxiesten ditu gizarteak, eta batzuen eta besteen soldaten arteko aldea handia da.
Ordaindugabeko lanean: zaintza lanak gutxiesten dira. Horregatik, sistema berriak ezartzeko premia eskatu dute, emakumeek eta gizonek arlo horretan dituzten erantzukizunak neurtu ahal izateko.
Ongizatearen erregimena: Sistema patriarkala areagotzen du, kasu askotan emakumeek doako lanak egiten dituztelako. Autonomo izatea proposatu dute trukean, bizitza duinagoa lortze aldera.
Arlo sozio-politikoa: Ardura edo botere handiagoa duten lanpostuetan egoteko emakumeek zailtasunak dituzte, eta sektoreka zein arloka ezberdintasunak daude, gizonezkoekin "lotutako" arloak baloratuago daudelako.
Bukatzeko, ikerketak argi utzi du gizonak ez direla garrantzi handiagoa duten jarduera edo lanetan ari, baina gizarteak balio handiagoa ematen diela lan edo jarduera horiei. Horregatik, "logika hori errotik aldatzea" proposatu dute ikerketaren egileek.
Albiste gehiago gizartea
Albiste izango dira: Istiluak Azpeitian, BSHko langileen bozketa eta hauteskundeak Japonian
Gaurkoan albiste izango direnen laburpena, bi hitzetan.
Emakumezko bat ikertzen ari dira autoarekin bikotekidea zauritu eta alde egiteagatik, baina beldurragatik ihes egin zuela dio berak
Gertaera ostegun gauean izan zen Gasteizen, eta 23 urteko emakumea larunbatean aurkitu zuen Ertzaintzak. Gizona ospitalera eraman behar izan zuten larri zaurituta. Emakumeak dio gizona jarrera bortitzez autora autora igotzen saiatu zela eta beldurtuta ihes egin zuela, zauri larriak zituela jakin gabe.
Elkarretaratzea Barakaldoko txosnen gunean, arrazakeriaren aurkako herria direla aldarrikatzeko
Gaur arratsaldean elkarretaratzea egin dute Barakaldoko txosnen esparruan, bart gauean herriko bizilagun batek jasan zuen eraso arrazista salatzeko. Ohikoa da Karmengo jaietan beste herrialde batzuetatik bertara bizitzera etorritako bizilagunek txosna bat jartzea eta ez da inoiz arazorik izan. Atzo gizonezko bat gogor oldartu zen bertan lanean ari zirenen aurka, oihu arrazista eta jarrera erasokorrean. Torrepachecon gertatutakoa ikusita, jarrera horiek moztu eta Barakaldon horrelakorik ez dutela onartzen adierazi dute.
Baztandarren arteko senidetasun jai handia egin dute gaur Elizondon
Musika eta dantzaz betetako festa ospatu dute gaur baztandarrek. Bailarako ohitura eta izaeraren adierazgarri diren gaiak aurkeztu dituzte. Aroztegiko obren aurka aritzeagatik auzipetutako baztandarrek ireki dute desfilea.
59 urteko nafar bat hil da Esako urtegian kirola egiten ari zela
Lagun talde batekin joan da hildakoa urtegira. Une batean, oso nekatuta zegoela eta ezin zela ertzera iritsi abisatu du baina lehen erreskate-ibilgailua iritsi denerako hilda topatu dute.
Bilbo Sluggins, munduko barraskilorik azkarrena
Jendetza bildu da Erresuma Batuko Congham landa-komunitatean, non Munduko Barraskilo Lasterketa bitxia egin den. Zehazki, Shell Rowek bere Bilbo Sluggins barraskiloarekin irabazi du 1960tik urtero egiten den ekitaldi honetan.
Istiluak izan dira bart Azpeitian gazte batzuen eta polizia agenteen artean, eta bi ertzain zauritu dira
Eusko Jaurlaritzako Segurtasun sailak gertakaria gaitzetsi du, eta elkartasun osoa adierazi die agenteei. EUSPEL, ESAN eta ERNE sindikatuek gogor kritikatu dituzte gertakariak. Arratsaldean ehunka lagun bildu dira Azpeitiko plazan Gaztetxeak deitutako protesta bilkuran.
Dozenaka lagun batu dira Maulen, Donapaleun eta Baionan, EHEk deitutako elkarretaratzeetan
Euskara lehenesteko eta bigarren mailako hizkuntza gisa tratatzeari uzteko eskatu diete erkaunde sozial, kultural, ekonomiko eta politikoei, hizkuntza politikan euskararen aldeko jauzia egiteko.
LEAk sutearen osteko babesa eskertu du eta bideo hunkigarri batekin berretsi du enpresaren jarraipena
Enpresak iragarri du irailaren amaieran hasiko dela berriro ekoizten, Gamarrako industrialdean dagoen 13.000 m²-ko behin-behineko nabe batean.
Samaniegon desagertutako 70 urteko gizonaren bilaketari ekin diote berriro
Arabako Errioxako landa-eremuan bilatzen ari dira gizona. Desagertuak praka beixak eta niki urdin argi bat zeramatzan jantzita azken aldiz ikusi zutenean.