Donostiako turismo eredu jasangarri eta berritzailea saritu dute San Petesburgon
Donostiak Gobernantza eta Politika Publikoetan berrikuntza eta jasangarritasunaren saria jaso du San Petesburgon, Nazio Batuen Turismoaren Munduko Erakundearen eskutik. Zehazki, hiriak turismo lehiakor, arduratsu eta jasangarriaren alde egiten duten lana aitortzen du sariak.
Udalak jakinarazi duenez, Donostian turismoa kudeatzeko eta sustatzeko lehentasunak ezartzen dituen "Love San Sebastian, Live Donostia" proiektua da sariduna. 2017-2021eko Turismo Gida-Planak "turismo jasangarria, orekatua, benetakoa eta kalitate handikoa bultzatzea du helburu, herritarrak hiriko turismoaren garapen ereduaren muinean jarriz".
Eneko Goia pozik agertu da saria irabazi ostean: "Mundu osoko turismo arloko erakunde gorenak emandako sariak Donostiatik egiten ari garen apustua onartu, babestu eta sendotu egiten du, nazioartean hazten ari den jarduera hau gure nortasun-ezaugarriak ez galtzeko eta urte osoan bizi diren donostiarrak zaintzeko ahalegina bateragarri egiteko modua bilatuz".
Donostiako alkateak adierazi duenez, "Udalak enplegua eta aberastasuna sortzeko iturri gisa ulertzen du turismoa, baina horrek ez digu galarazi behar jarduera honek donostiarrei kalte egin diezaiokeen ikuspegia galtzea".
Horregatik, bisitariek bertako herritarren bizimodua errespeta dezaten kontzientziatzeko bideak bilatzen ari dira udal arduradunak. "Donostiak eskuak zabalik hartu ditu beti bisitariak, baina errespetuz eta arduraz jokatzea garrantzitsua dela gogoratu nahi dugu, atsedenaren, garbitasunaren, garraio publikoaren edo tokiko hizkuntza eta ohituren errespetuaren aldeko bezalako mezuekin", esan du Goiak.
Zure interesekoa izan daiteke
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.