Nafarroako ikastolen egun handia, Tuteran
Abian da Nafarroa Oinez 2019 Tuteran. Argia ikastola izan da aurtengo edizioa antolatzeko arduraduna, eta antolatzaileek Tuterako Nekazaritzako Elikagaien Hiria hautatu dute ibilbidea osatzeko. Lau gune prestatu dituzte, 3.200 metroko ibilbidean zehar: Argia, Etorkizuna, Aniztasuna eta Alaitasuna.
Aurtengo edizioan, iaz hasitako erronka inklusiboarekin jarraitzeko, ibilbidea prestatzeko garaian ez ezik, panelak eta seinaleak jartzerakoan ere behar bereziak dituzten pertsonak kontuan hartu dituztela adierazi dute Arguiñe Korta Argia ikastolako zuzendariak eta Maru Eriz lehendakariak. CERMIN, EUNATE, ONCE eta AMIMET elkarteek ibilbidea ahalik eta inklusiboena egiten lagundu dute.
1.500 boluntario baino gehiago egongo dira gaur lanean, eta antolatzaileek "azken deia" egin dute Tuterara ahalik eta jende gehien hurbil dadin "euskararen festa berriro ospatzeko".
Edizio honetan Errigora ekimena omenduko du Argia ikastolak, eta Nafarroako Ikastolen Elkarteak, berriz, Dani Lopez. Ikastolen eta euskararen alde "inplikazio itzela" erakusteagatik omenduko dituztela esan dute antolatzaileek.
Joan-etorrietarako autobus zerbitzua jarriko dute Tuteratik Nekazaritzako Elikagaien Hirira. Herrian bertan 3 geraleku izango ditu: Diaz Bravo, Estazio plaza eta Zangozako Merindadea.
Argia, Etorkizuna, Aniztasuna eta Alaitasuna guneetarako ekimen ugari prestatu dituzte antolatzaileek. Musika eskaintzari dagokionez, kontzertu gune nagusiak Alaitasuna eta Etorkizuna izango dira, Modus Operandi, Afu, Urtz, Zopilotes Txirriaos eta Oihan Vega dira oholtzaratuko diren izen esanguratsuenak. Gainera, egun guztian zehar hainbat talde ibiltari ibiliko dira ibilbidea alaitzeko.
Argazkia: Jon Artano, Euskadi Irratia.
Kontzertuez gain, Erronkak ere zer esana emango du. Gune guztietan proba ezberdinak egin beharko dituzte 11 ikastoletako partaideek. Sari-banaketa Etorkizuna gunean izango da, 14:00etan.
Hurbildu ezin dutenentzat
Tuterara joateko aukera ez dutenentzat, Argia ikastolari laguntzeko hainbat aukera aurkeztu dituzte: zirkuitu birtualeko zatiak erostea, Oinez Basoa proiektuan zuhaitz bat babestea edo Nafarroa Oinezen web-orrialdean agertzen den kontu zenbakian ekarpen ekonomikoak egitea.
Zure interesekoa izan daiteke
Azpeitiko sutean kaltetutako bi lagunei alta eman eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Orain, Udaleko teknikariek eraikinaren egoera aztertuko dute, hartu beharreko neurriak zehazteko eta sutea zerk eragin duen ikertzeko.
Aldaketak Bilboko trafikoan datorren astelehenean, Itzulia Basque Country 2026 dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak daude.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.