Osakidetzak bularreko mikropigmentazioa eskainiko du abendutik aurrera
Datorren abendutik aurrera, Osakidetzak bularreko areolaren eta titiburuen mikropigmentazioa eskainiko du; horrenbestez, mastektomizatutako emakumeek bularra berritzeko prozesua euskal osasun publikoan osatu ahal izango dute.
Mikropigmentazio-prozesuak emakume mastektomizatuentzat duen garrantzi fisiko, psikologiko eta animikoa azpimarratu du Iñigo Urkullu lehendakariak gaur (astelehena), osasun-prestazioaren aurkezpenean, sinbolikoki paziente izatetik bizirik irauteko trantsizioa markatzen baitu.
EAEn, 1.500 emakume ingururi diagnostikatzen diete bularreko minbizia, eta % 20-% 30 inguruk mastektomia bat behar izaten dute. Horrenbestez, urtero 300 emakume inguruk jaso dezakete Euskal Osasun Zerbitzu Publikoaren prestazio berri hori.
Osasun Zerbitzutik azaldu dutenez, azken hilabeteetan prestakuntza-fase berezi bat egin dute erizaintzako profesionalek, horiek arduratuko baitira teknika aplikatzeaz.
Lehendakariak azaldu duenez, arreta onkologikoaren humanizazio-printzipioaren barruan sartzen da neurri hori, 2018-2023 aldirako Euskadiko Plan Onkologikoan gauzatua. Plan horren helburua da minbizia duten pertsonen biziraupena eta bizi-kalitatea hobetzea.
Bularreko minbiziaren datuak EAEn
1995ean detekzio goiztiarreko euskal programa abian jarri zenetik aurtengo ekainera arte, Osakidetzak 2,6 milioi zitazio eta 2,1 milioi mamografia baino gehiago egin ditu; guztira, 9.916 minbizi detektatu ditzute, gehienak fase goiztiarrean.
Bestalde, emakumeen % 83,4k tratamendu kontserbadore ez-inbaditzailea jaso zuen bularrean; portzentaje hori, gainera, urtetik urtera handiagoa da, eta horrek aurrerapen handia suposatzen du.
Zure interesekoa izan daiteke
Teruelgo aireportua hegazkinez beteta dago, ezin direlako Ekialde Hurbilera itzuli gerraren ondorioz
Ostiral honetan 10 hegazkin komertzial lurreratu dira, gehienak Qatar Airlines konpainiakoak. Teruelgo aireportua 140 hegazkinen aparkaleku izan zen pandemian.
Athleticek gaitzetsi egin ditu Jon Uriartek jasotako mehatxuak eta bere “babes osoa” adierazi dio
Erakundeak adierazi duenez, "errespetua irmo aldarrikatuz baino ez dugu gizarte eta Athletic hobea eraikiko".
Martxoaren 23an irekiko dute Osakidetzako EPErako izen-ematea
Probak ekainaren 19an, 20an eta 21ean egingo dira, eta horietan LEP eredu berri bat ekarriko du: test motako azterketak egingo dituzte eta nota hurrengo deialdietarako erreserbatuko da.
Euskal Herrian Euskarazek CCOO sindikatuaren mehatxua salatu eta mobilizatzeko deia egin du
Euskal Herrian Euskarazen agerraldia. Argazkia: EITB Media
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. 2026ko otsailaren 17tik martxoaren 19ra arte, musulmanek abstinentzia egin dute egunez. Argia egon den orduetan, ez dute jan, ez dute edan (ezta urik ere), ez dute erre eta ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.