Donostia, munduko hiririk politenetakoa
Donostia munduko 50 hiri politenen artean dago. Horrela adierazi du Internet bidez bidaiak antolatzen dituen Flight Network agentziak, nazioarteko 1.000 aditu baino gehiago elkarrizketatu ostean. Mundu osoko kazetariak, blogariak eta bidaia-agentziak daude horien artean, besteak beste, "planetak eskaintzeko duen onena ikusi eta bizi dutenak", Kanadako agentzia horrek nabarmendu duenez. Zehazki, munduko hiri politenen zerrenda horretako 42. postuan kokatu dute Gipuzkoako hiriburua.
Ezin bestela izan, Donostia "munduko sukaldaritzaren hiriburua" dela azpimarratu du konpainia horrek, eta, ildo horretatik, “hirian Michelin izarrak dituzten goi-mailako jatetxeak eta herritar guztientzat eskuragarriak diren tabernak” uztartzen direla nabarmendu du. Ondorioz, "kostaldeko hiri hau nahitaez bisitatu behar da", horren arabera.
Hala, Donostiako pintxoak dastatzeko gonbita egiten die Flight Networkek turistei, horiek “munduko aperitibo onenetakoak baitira”. Halaber, Donostiako Parte Zaharretik paseatzea gomendatzen die, "garai batekoak diren eraikinekin gozatzeko". Agentzia horren arabera, Gipuzkoako hiriburuan nahitaez bisitatu behar den den beste kokagune bat Kontxako hondartza da, izan ere, "Espainiako ederrenetakoa da". "Eguzkiaz gozatu eta hondartzan igeri egiteko aukera dago hor, baita egunero arearekin obra ederrak egiten dituen artista ikusteko ere". Ildo horretatik, internet bidez bidaiak antolatzen dituen agentziak Urgull mendiaren tontorrera joatea gomendatzen die bisitariei, "hondartzari izena ematen dion maskor formaren ikuspegi ezin hobeaz gozatzeko".
Donostiarrei ere aipamen berezia egin die, eta herritarrak "oso jatorrak" direla nabarmendu du. Eguraldiari dagokionez, "urtaroaren arabera aldatzen bada ere, urteko ia edozein egunetan egin dezake euria". Arrazoi horregatik, Flight Networkek zira bat hartzeko gomendatzen die turistei, eta aldean eramatea, badaezpada ere.
Parisek, New Yorkek eta Londresek bete dituzte zerrenda horretako lehen postuak, eta Venezia, Bartzelona, Erroma, Istanbul, Hong Kong, Madril, Zurich, Madril, Berlin, Bangkok, Dublin edo Atenas ere agertzen dira zerrendan, azken hori azken postuan bada ere.
"Munduko hiri politenen zerrendarik zehatzena eta esanguratsuena egiteko", haien ustez elementu naturalak eta artifizialak hobeto konbinatzen dituzten hiriak izendatzea eskatu zien agentzia horrek elkarrizketatuei. Hala, hiri bakoitzak jaso zuen boto kopuru horietatik abiatuta osatu zuten gida.
Donostia. Artxiboko argazkia: Pablo Labraga Lopez
Donostia. Artxiboko argazkia: Jose Maria Vega
Donostia. Artxiboko argazkia: Jose Maria Vega
Donostia. Artxiboko argazkia: Iñigo Minguez
Donostia. Artxiboko argazkia: Marisa Herguedes Sukia
Donostia. Artxiboko argazkia: Schnabel Lopez
Zure interesekoa izan daiteke
Osakidetzak pertsona transexualentzako lehen mailako arreta zerbitzuak zabalduko ditu EAEko hiru hiriburuetan
Gauzak ondo bidean, maiatzetik aurrera jarriko da abian zerbitzu hori. Osakidetzako zuzendariak adierazi duenez, helburua da pertsona transexualei errespetuzko eta gertuagoko arreta ematea.
Legebiltzarrak onartu egin du adin txikikoen udalekuetan babesa indartzeko Legea izapidetzea
EH Bilduk eta Sumarrek, aintzat hartzea babestu arren, prozedura kritikatu dute, eta PPk eta Voxek erreforma "zuritzea" dela esan dute.
Noelia eutanasia eskatu zuen Bartzelonako gazteak gaur jasoko du, epaileak onartu ostean
25 urteko emakumeak bere erabakiari eutsi dio, nahiz eta aita aurka agertu, Espainian legezko bide guztiak agortuta eta Giza Eskubideen Europako Auzitegira jota.
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrak mendeko egiten dituzten eta osasungaitzak diren produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, Alardearen inguruko gatazka bideratzeko neurriak jasoko dituena
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko du.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".