151 danborradak donostiarrak hunkituko dituzte astelehenean, San Sebastian egunean
151 danborradak, 19.004 lagunek (8.120 emakumek eta 10.884 gizonek) hunkitu egingo dituzte donostiarrak hilaren 20an, astelehenarekin, San Sebastian egunean. Danborradak, aurten, Jose Mari Oiartzabal musika-zuzendaria, 150. urteurrena ospatuko duen Union Artesana elkartea, eta Realeko futbol eta hockey taldeak omenaldiak jasoko dituzte; Realeko taldeei, hain zuzen ere, Urrezko Danborra emango diete.
151 danborradak Donostiako auzoetatik ibiliko dira; ohi bezala, auzoak zazpi eremutan banatuko dituzte: Altza–Intxaurrondo, Amara–Loiolako Erribera–Morlans, Antigua, Erdialdea, Gros, Loiola–Egia–Martutene eta Parte Zaharra.
Udalak ohar baten bidez jakinarazi duenez, igande gauean, alegia, Bandera Igoeran, Jose Mari Oiartzabal musika zuzendari andoaindarrari omenaldia eskainiko zaio: "Andoainen jaioa izan arren", ekarri du gogora Udalak, "Oiartzabalek urte asko daramatza Donostiaren aldeko lan isil, dotore eta doakoa egiten". Hortaz, "gure gau nagusian", asteazken honetako aurkezpenean eman dioten batuta erabiliz, Errenteriako Banda zuzenduko du.
Union Artesanaren 150. urteurrena
Halaber, Union Artesana elkartearen 150. urteurrena dela eta, danborrada horretako Danbor Nagusia den Aitor Oyarzabalek "Donostiako Martxa" zuzenduko du, Gaztelubideko Danbor Nagusiarekin batera. Lehenago, Gaztelubidek ohiko Urrezko Kupela emango dio Union Artesanari.
Bandera Jaitsieran, hau da, astelehen gauean, Union Artesana elkartearen 150. urteurrenari hasiera emango zaio, sari berezi bat emanez: Konstituzio plazako liburutegiaren balkoian igo eta jaitsiko den bandera.
Hemendik aurrera, sari edo errekonozimendu hori urtero emango du Udalak, Danborradarekin lotura duen elkarte edota pertsona bati, beti efemeride edo ekintza berezi batekin lotuta.
Azken urteotan bezala, Union Artesanak ordezkari bana izango du izena eman duen danborrada bakoitzeko, "hiriaren jai nagusiaren une hunkigarri hori partekatzeko". Aurten, 93 pertsonak hartuko dute parte Sarriegi plazan 23:15ean hasiko den ekitaldian; horiek guztiak Konstituzio plazako tauladara 23:30ean sartuko dira, "Tatiago"rekin.
Realeko emakumezkoen hockey eta futbol taldeetako jokalariek, hau da, aurtengo Urrezko Danborraren irabazleak, parte hartuko dute ere, eta “Donostiako Martxa” abestuko dute. Ondoren, mastatik Bandera jaitsiko dute, eta ekitaldia "Txuri Urdin" eta "Aupa Gizona" doinuak interpretatuta amaituko dute.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.