Motorreko bizikleta bat zeraman gidabaimenik gabeko gazte bat atxilotu dute Noainen
Foruzaingoak gidabaimenik ez duen 24 urteko gizon bat atxilotu du Noainen, gasolinako motorra zuen bizikleta bat bide publikoan gidatzea egotzita. Motorra akoplatuta duenez, ibilgailu hori gidatzeko AM motako baimena izan behar da, hau da, ziklomotor-baimen zaharra. Bizikletak, horrez gain, ez zuen balaztarik, ezta argirik ere, eta, gainera, gidariak ez zeraman kaskorik.
Noaingo Real kalean harrapatu zuten gaztea. Automobilaren Delinkuentziaren Taldeko agente batzuek gasolinako motorra zuen bizikleta bat ikusi eta geldiarazi zuten, ibilgailua eta gidaria kontrolatzeko. Ibilgailua ez zegoela homologatuta egiaztatu zuen Foruzaingoak, eta oinarrizko segurtasun-neurri batzuk ez zituela baieztatu zuen; besteak beste, ez zuen ez balaztarik ez argirik. Ziklomotorra zenez, halaber, gidariak kaskoa izan behar zuen, baina ez zeraman halakorik.
49 zentimetro kubikotik gorako motorra duenez, AM motako gidabaimena behar da horrelakoak gidatzeko, baina gidariak ez du horrelakorik; hortaz, delitua egotzi zioten.
Motorizazio kit horiek Interneten bidez erosi ahal dira, baina, erabiltzen badira, ibilgailuek IAT berezia gainditu behar dute, homologazioa jasotzeko; izan ere, ibilgailuan aldaketa tekniko edo mekanikorik eginez gero, nahitaez egin behar da. IAT berezi hori gaindituko ez balu, kautelazko neurri gisa, baliteke ibilgailua geldiaraztea.
Argiketaren izapideak amaituta, atxilotua aske utzi zuten, baina Agoizko epaitegira joan beharko du laster.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.