Koronabirus agerraldia pandemia mailara igo du Munduko Osasun Erakundeak
Tedros Adhanom Ghebreyesus Munduko Osasun Erakundearen (MOE) zuzendari nagusiak jakinarazi du pandemia mailara igo dutela koronabirus agerraldia, azkenaldiko kutsatzeak kontuan hartu ostean.
Terdrosek prentsaurreko batean azaldu duenez, Covid19 kasuak duela bi egun baino 13 aldiz gehiago dira Txinatik kanpo, guztira 118.000 kasu daude 114 estatutan banatuta, eta 4.291 dira hildakoak.
"MOE agerraldia aztertzen ari da egun osoan, eta oso kezkatuta gaude zabalkunde maila larriagatik, eta baita estatu batzuen utzikeriagatik ere. Horregatik, Covid19 birusa pandemia dela ondorioztatu dugu", adierazi du.
Hori bai, MOEren zuzendari nagusiak jakinarazi du epidemiatik pandemiara igarotzeak ez dituela aldatzen gaixotasunak eragiten duen "mehatxua", hartu beharreko neurriak eta estatuei emandako aholkuak.
Buruzagi eritrearrak berretsi du "herrialde guztiek" lor dezaketela pandemiaren norabidea aldatzea, atzematen badute, tratamenduak ezartzen badituzte, herritarrak isolatzen badituzte, bilatzen badute eta ezarritako prebentzio neurriak gizarteratzen badituzte.
Hori horrela, Italiako, Irango eta Hego Koreako gobernuak zoriondu ditu eta eskerrak eman dizkie birusa geldiarazteko eta kontrolatzeko hartu dituzten neurriengatik, gizarteari eta ekonomiari kalte egin arren aurrera eraman dituztelako.
"MOEren helburua osasun publikoa da. Baina kide askorekin ari gara lanean sektore guztietan, pandemia honen ondorio sozial eta ekonomikoei aurre egiteko. Ez da osasun publikoaren krisia soilik, sektore guztiei eragingo dien krisia da. Horregatik, sektore bakoitzak eta norbanako bakoitzak parte hartu behar dute borrokan", azpimarratu du.
Azkenik, Tedrosek koronabirusari aurre egiteko prozedurak martxan jartzeko eta zabaltzeko eskatu die estatu guztiei; herritarrei jakinaraz diezaietela birusak eragiten duen arriskua, eta nola babes dezaketen euren burua; Covid19 kasuak atzeman, isola eta arta ditzatela; horien kontaktuen jarraipena egin dezatela; eta osasun sistema presta dezatela kasu guztiak artatzeko eta osasun langileak zaintzeko.
Albiste gehiago gizartea
Mogie Gym: gurpil gaineko kirola Pirinioetako herrietan
Aritz Carballok furgoneta soil bat entrenatzeko erabat hornitutako espazio bihurtu du. Orain arte gimnasiorik ez zegoen Nafarroako Pirinioetako landa-eremuetan dabil. Helburua da jarduera fisikoa eta ohitura osasungarriak eramatea horiek eskura ez dituztenei.
Pertsona bat hil da Trebiñun, bi autoren artean izandako istripuan
Gaueko lehen orduan izan da ezbeharra, Araba 2124 errepidean. Bi ibilgailuk aurrez aurre jo dute eta errepidea itxita geratu da Burgoserako norantzan.
Euriteek arazoak eragin dituzte Montserraten eta bi pertsona desagertu dira Bartzelonan
Lekuko batek larrialdi-zerbitzuei dei egin die arratsaldean, Sant Quinti de Medionan, ibaiko urak auto bat arrastaka zeramala eta barruan bi pertsona zihoazela ohartarazteko. Ordu batzuk geroago, autoa aurkitu dute baina inor ez zegoen barruan.
27 pertsona ebakuatu behar izan dituzte Montserrateko funikularretik, Katalunian, euri jasa gogorrak direla eta
Montserrat funikularraren inguruetan 100 litro bota ditu metro koadroko, eta 27 pertsona ebakuatu dituzte euriteek eragindako luizi baten ondorioz. Katalunia osoa dago abisu laranjan eta euriak gogor jo du, batez ere, Bartzelonan, Gironan eta Tarragonan. Suhiltzaileek 90 bat esku-hartze egin dituzte dagoeneko, eta errepideetan ardura handiz gidatzea eskatu dute. Euriteen ondorioz, gainera, bertan behera gelditu dira zenbait hegaldi, eta Gironan atzerapenak daude tren zerbitzuan, trenbidera eroritako zuhaitz bategatik.
Berrezarrita tren-zirkulazioa Tolosa eta Villabona artean, zutoinen erorketaren ondorengo etenaldia eta gero
Renfek errepide bidez garraio alternatiboa eskaintzeko plan bat jarri du martxan igande goizean, kaltetutako bidaiariak euren azken helmugara edo gutxienez Tolosako geltokira eramateko. Hala ere, zirkulazioa berriro ere martxan jarri da 19:00ak aldera.
Beharrezkoa al da benetan proteina ugariko produktuak kontsumitzea?
Proteinarekiko obsesioa saltokietara iritsi da, baita nutrizionisten kontsultetara ere. Osasungarriak ematen badute ere, etiketak irakurri beharra dago. Adituek formula klasikoa gomendatzen dute: dieta orekatua eta ariketa fisikoa.
Zibererasoak kaltetutako Europako aireportuetan gorabehera gutxi batzuk izaten ari dira oraindik
Aenak larunbatean ziurtatu zuenez, Espainiako aireportuetan ez da ia arazorik izan, baina Europako beste batzuekin lotzen dituzten hegaldietan atzerapenak izan dira, Collins Aerospace sistemarekin lotutako gorabeheren ondorioz.
Gizon bat hil dute gaur goizean Bilbon, eta Ertzaintzak ikerketa abiatu du
Ertzaintzak dispositibo berezia ezarri du Solokoetxe auzoan, eta hainbat gune miatu ditu erasoa ikertzeko.
Ertzaintzak abiadura kontrolatzeko kanpaina bat egingo du datorren astean
2024an, EAEko errepideetan trafiko-istripuetan hildako pertsonen % 32 abiadura desegokiarekin lotutako ezbeharretan zendu ziren.
![(Foto de ARCHIVO)
[Sevilla] [Comunicacion.Csic.Andalucia] Ndp Científicos Del Csic Participan En La Obtención De La Escala De Riesgo Genético De Alzheimer Más Completa
REMITIDA / HANDOUT por CSIC
Fotografía remitida a medios de comunicación exclusivamente para ilustrar la noticia a la que hace referencia la imagen, y citando la procedencia de la imagen en la firma
04/9/2025](https://s7g10.scene7.com/is/image/eitb/alzheimer:eitb-banner?$eitb-banner$&fmt=webp-alpha&qlt=80)
43.700 pertsonak baino gehiagok dute alzheimerra Euskal Herrian: prebentzioa oinarrizkoa duen erronka handia
Adituen arabera, 2050. urterako 120.000 pertsona baino gehiago izan daitezke kaltetuak. Senideen eta zaintzaileen elkarteek gaixoak zaintzen dituztenen eskubideak aitortzearen garrantzia azpimarratu dute, eta ikusezin bihurtu ohi den lan hori nabarmendu dute.