Gaur berrezarriko dute TAO zerbitzua Gasteizen
Gasteizko Udalak jakinarazi duenez, gaurtik aurrera (maiatzak 11) berreskuratuko du TAO zerbitzua. Hori dela eta, telefono mugikorrean Telpark izena duen aplikazioa erabiltzea gomendatu die herritarrei, aparkalekua parkimetroa ukitu gabe kudeatzeko aukera ematen baitu.
Udalak ohar batean gogora ekarri duenez, martxoaren 16an bertan behera utzi zuten zerbitzua, koronabirusak eragindako pandemia dela eta.
"Joan-etorriak egiteko ohiturek aldaketa handiak jasaten ari dira gaur egun, eta aldaketa horiek ahalik eta gutxien eragin beharko liokete hirian ibilgailu motordun pribatuekin egiten diren joan-etorriak murrizteko helburuari", adierazi du Udalak.
Testuinguru horretan, 2019an martxan jarri zen Telpark mugikorretarako aplikazioa "orain inoiz baino gehiago" erabiltzea gomendatu du Gasteizko Udaleko Trafiko Zerbitzuak, izan ere, parkimetroa ukitu gabe ordaintzea ahalbidetzen du, txanponak erabili gabe eta tiketa hartu behar izan gabe; ibilgailua aparkatuta egon den denbora bakarrik ordainduz.
"Aparkaldia kudeatzeko modurik seguruena da, pandemiari aurre egiteko osasun arduradunek emandako gomendio guztiak zainduz", azpimarratu du Udalak.
Halaber, telefono mugikorrentzako aplikazio horrek ibilgailua aparkatuta izateko denbora luzatzeko aukera ere ematen duela nabarmendu du Udalak, TAO zerbitzua erabiltzen den denbora zehatza ordainduz bakarrik. Gainera, hainbat ibilgailuren aparkalekua kudea daiteke aldi berean, eta aparkatzeko denbora agortzear denean jakinarazpena bidaltzen du.
Udalak gogorarazi du, halaber, telefono mugikorretik zigorrak ordaintzeko aukera ematen duela Telparkek, eta sakelako telefonoaren GPSari esker ibilgailua geolokalizatzeko aukera. Aplikazioa erabiltzeko, beharrezkoa da Telpark aplikazioan bertan izena ematea. Google Play eta Appleren App Storen eskura dago, doan.
Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, zure osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela; ahoa estaltzeko maskarak gomendagarriak dira sintomak badituzu edo adineko pertsonekin edo immunodeprimituekin harremanetan bazaude, eta derrigorrezkoak garraio publikoa erabiltzen baduzu.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.