Euskal Administrazioko langileen "itzuleran hutsuneak" salatu ditu ELAk
Prebentziorako "gabezia ugari" salatu ditu ELA sindikatuak EAEko administrazioaren zentroetan, aurrez aurreko lanari "inposatutako" laneratzearen ostean. Gainera, bere langileen artean egindako inkesta baten arabera, % 85ek ez dela egokia Eusko Jaurlaritzak diseinatutako prozesua adierazi dute.
Azaldu duenez, ELAko langileen ordezkariak EAEko Administrazio Orokorreko eraikinak bisitatzen ari dira egunotan, "inposatutako birlaneratze honetan segurtasun baldintzak" betetzen ari diren egiaztatzeko. Bisita horietan, deitoratu duenez, "Gobernuaren propagandatik haratago, langileen osasuna arriskuan jar dezaketen gabezia ugarirekin egin dugu topo" hiru lurralde historikoetako hainbat eraikinetan.
Hain zuzen ere, "prebentzio-distantziei, korridoreei, garbiketa-gelen garbiketari edo gel desinfektatzailerik ez egoteari buruzko ez-betetzeak", besteak beste, atzeman ditu ELAk hainbat lantokitan.
Sindikatuak ziurtatu duenez, Lanbideko bulego batzuetan "babes pantailarik gabe ari dira lanean, distantziak ez dira betetzen, eta jendearen harrera gunea kezkaz estua da, baldintza horietan gutxieneko segurtasun neurri batzuk gordetzea bideraezina bilakatuz".
"Garbiketa zerbitzuak ez dira indartu", kritikatu du ELAk, nahiz eta hori bai sindikatuek, bai garbiketako langileek eskatu duten. Azaldu duenez, "ez dira segurtasun baldintzak hobetu, ez da langile kopurua indartu kontratazio berriekin, komunak behin bakarrik garbitzen dira, horrek dakarren kutsatze arriskuarekin".
Halaber, Lakuako jantokia itxita egon arren, "maiatzaren 11n langileei lanera itzultzera eta ez dagozkien lanak egitera behartu zitzaien", salatu du.
Ildo horretan, ELAk Jaurlaritzari eskatu dio Jarraipen Batzorde bat sortzeko, telelanaren praktika zabaltzeko eta langileen itzulera atzeratzeko, "beharrezko segurtasun neurriak bermatu arte". Hala ere, "beste behin ere, agerian geratu da Gobernuak ez diela oinarrizko eskaerei erantzuten", gaitzetsi du.
Sindikatuak inkesta bat egin du aste honetan aurrez aurreko lanera itzuli diren langileen artean, eta horren arabera, "% 91,6k Eusko Jaurlaritzak ez duela aintzat hartu langileen iritzia adierazi dute".
ELAren inkestako datuen arabera, % 85,6ri "desegokia" iruditzen zaio itzulera prozesua. 10 langiletik zortzik nahiago du telelanean jarraitu egungo osasun krisi egoeran, eta "gehienek prebentzio neurriak eskasak direla uste dute". % 81,5ak langileei testak egin behar zaizkiela uste du.
Zure interesekoa izan daiteke
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute San Blasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.