Konfinamenduak 3,1 milioi pertsona salbatu ditu Europan
Eskala handiko konfinamenduek eta "farmazeutikoak ez diren beste neurri batzuek" koronabirusaren transmisioa arrakastaz murrizten eta pandemiaren hedapena Europan kontrolatzen lagundu dute, 3,1 milioi hildako saihestuz, Nature aldizkariak gaur argitaratu duen ikerketa baten arabera.
Imperial College London erakundeak (Erresuma Batua) garatu du ikerketa, eta birusaren transmisioaren murrizketari buruzko kalkuluak egin ditu, Europako 11 herrialdetako datuak alderatuz, besteak beste, Espainiako datuak.
Maiatzaren 4ra arte, ikertzaileen arabera, neurri horiek 3,1 milioi bizitza salbatu dituzte herrialde horietan, eta Espainian 450.000 inguru, egileek EFE albiste-agentziari telefonoz egindako hitzaldi batean azaldu diotenez.
Neurri horiek eragin sozial eta ekonomikoa dutela diote, eta, ondorioz, garrantzitsua izango da horien eraginkortasuna ebaluatzea, pandemiaren kontrolari eusteko etorkizunean jarraitu beharko diren ekintza-bideak zehazteko.
Ikertzaileek proposatu dute infekzio-mailak atzera begira kalkulatzea, jakinarazitako heriotzetatik abiatuta.
Zenbatutako heriotzen kopurua eta euste-neurririk gabeko eredu matematikoak aurreikusitakoak alderatzean, ikusi zuten farmazeutikoak ez diren esku-hartzeek 3,1 milioi heriotza inguru saihestu dituztela.
"Datu horiek iradokitzen dute esku-hartze horiek gabe, hala nola konfinamenduak edo eskolak ixtea, COVID-19aren ondorioz askoz ere heriotza gehiago egongo zirela", adierazi du egileetako batek, Samir Bhattek, College Inperialeko Gaixotasun Infekziosoen Azterketa Globalerako Zentroko ikertzaileakm
Transmisio-tasak "behera egin du aztertutako herrialde guztietan", "maila altuetatik" hasi eta "kontrolpeko mailetaraino".
"Gure analisiak ere iradokitzen du aurrez kalkulatutakoak baino askoz infekzio gehiago izan direla. Orain, kontu handiz aztertu behar da SARS-CoV-2aren transmisioa kontrolpean mantentzeko beharrezko neurriak mantentzea".
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.