COVID-19aren aurka Remdesivir sendagaia merkaturatzeko gomendatu du EMAk
COVID-19arekin gaixorik dauden helduei eta 12 urtetik gorako gazteei tratamendua emateko Remdesivir izeneko sendagaia merkaturatzea gomendatu du Medikamentuaren Europako Agentziak.
Birusak partikula gehiago sortzeko prozesua geldiarazten du eta, ondorioz, infekzioaren hedatzea moteltzen da, larri dauden pazienteak normalean baino lau bat egun lehenago sendatzea lortuz.
Hau da Europako Agentziaren filtroa gainditzen duen koronabirusaren aurkako lehendabiziko botika. Baldintza normaletan, sendagai bat merkaturatzeko prozedura luzeagoa izaten da, baina larrialdi egoera honetan, ezohiko prozedura erabili dute dena azkarrago egin ahal izateko.
Gauzak horrela, Medikamentuaren Europako Agentziaren oniritzia nahikoa da sendagai bat salgai jartzeko, azken hitza Europako Batzordeak izango badu ere.
Botika
Remdesivir sendagai esperimentala 2009an hasi ziren garatzen eta frogak ebolak jotako pertsonekin egin zituzten. Orain, Ameriketako Estatu Batuetan egindako ikerketa kliniko batek erakutsi du botika hori hartu duten SARS-CoV-2 gaitzarekin kutsatutako paziente asko lehenago sendatu direla.
Koronabirusarekin gaixotutako 1.000 lagun jarri zituzten tratamenduan, munduko 75 herrialdetan. Remdesivir farmakoa hartu zuten pazienteen % 31 hamaika egunetan sendatu ziren; plazeboa hartu zutenak, berriz, 15 egun behar izan zituzten.
Alabaina, badaude beste ikerketa batzuk botika horren eraginkortasuna zalantzan jartzen dutenak.
Edonola ere, litekeena da Europako Batzordeak datorren astean onartzea sendagai berri hori merkaturatzea. Veklury izenarekin jarriko litzateke salgai. Oraingoz ez dute argitu Europan zenbat dosi egon diren eskuragarri.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.