Nafarroak PCR probak egingo dizkie sasoikako langileei
Nafarroak sasoikako langile guztiei PCR probak egingo dizkie. Gainera, positiboa emanez gero langileari isolamendua bermatzeaz, osasun babesa emateaz eta lan-baja izateaz arduratuko da Nafarroako Gobernua. Bestalde, enplegatzaileei, erantzukizunpeko adierazpen bat sinatzera behartuko ditu, osasun- eta lan-baldintza egokiak eta datuen egiazkotasuna zaintzeko.
Neurriak 1.000 lagun ingururi eragitea espero da eta beste herrialde edo autonomia erkidegotatik datozen sasoikako langile guztiei egingo zaizkie probak. Baita Nafarroan egonda, azken bi hilabeteetan beste nekazal kanpainetan egon direnei ere bai.
Carlos Artuondo Osasuneko zuzendari nagusiak adierazi duenez, proba "kontratua eduki eta berehala" egingo da, langilea "lanean hasi aurretik", eta ezinbestekoa izango da lan prestazioa jasotzeko. Proba Osasun Sailak ordainduko du, hortaz, langileek ez dute ezer ordaindu beharko.
Esan bezala, Osasun Sailak positiboa ematen duten pertsonen isolamendua eta ostatua bermatuko die eta lan baja izango dute langileek. Erabaki hau inork proba egiteko "beldurrik ez izatea" bermatzeko asmoz hartu da.
Protokoloa oraindik indarrean ez dagoen arren, Tuterara fruta biltzera etorri diren 84 langileri PCR probak egin dizkiete gaur goizean.
Erresoluzioa aste honetan zehar sinatzea espero da eta datorren asterako indarrean egotea nahi dute.
Albiste gehiago gizartea
Ertzaintza Bilbon hil duten 21 urteko gizonaren hiltzailearen edo hiltzaileen bila ari da
Erasoa igande goizean gertatu zen Solokoetxe auzoan. Biktimak arma zuriz egindako zauria zuen bularrean, eta Gurutzetako ospitalean hil zen gutxira.
Ibai batek eraman zuen adingabe baten gorpua aurkitu dute Bartzelonan, eta aitaren bila ari dira
Desagertuen ibilgailua sakan baten hondoan aurkitu dute, oso egoera txarrean; euri-jasa bortitzen ondorioz, ur-emaria handitu egin da, bi metro eta erdira arte.
Albiste izango da: "Karmele" Zinemaldian, udazkena helduko da eta Nazio Batuen Batzar Nagusia
Orainek gaur landuko dituen albiste nagusien laburpena.
Mogie Gym: gurpil gaineko kirola Pirinioetako herrietan
Aritz Carballok furgoneta soil bat entrenatzeko erabat hornitutako espazio bihurtu du. Orain arte gimnasiorik ez zegoen Nafarroako Pirinioetako landa-eremuetan dabil. Helburua da jarduera fisikoa eta ohitura osasungarriak eramatea horiek eskura ez dituztenei.
Pertsona bat hil da Trebiñun, bi autoren artean izandako istripuan
Gaueko lehen orduan izan da ezbeharra, Araba 2124 errepidean. Bi ibilgailuk aurrez aurre jo dute eta errepidea itxita geratu da Burgoserako norantzan.
Euriteek arazoak eragin dituzte Montserraten eta bi pertsona desagertu dira Bartzelonan
Lekuko batek larrialdi-zerbitzuei dei egin die arratsaldean, Sant Quinti de Medionan, ibaiko urak auto bat arrastaka zeramala eta barruan bi pertsona zihoazela ohartarazteko. Ordu batzuk geroago, autoa aurkitu dute baina inor ez zegoen barruan.
27 pertsona ebakuatu behar izan dituzte Montserrateko funikularretik, Katalunian, euri jasa gogorrak direla eta
Montserrat funikularraren inguruetan 100 litro bota ditu metro koadroko, eta 27 pertsona ebakuatu dituzte euriteek eragindako luizi baten ondorioz. Katalunia osoa dago abisu laranjan eta euriak gogor jo du, batez ere, Bartzelonan, Gironan eta Tarragonan. Suhiltzaileek 90 bat esku-hartze egin dituzte dagoeneko, eta errepideetan ardura handiz gidatzea eskatu dute. Euriteen ondorioz, gainera, bertan behera gelditu dira zenbait hegaldi, eta Gironan atzerapenak daude tren zerbitzuan, trenbidera eroritako zuhaitz bategatik.
Berrezarrita tren-zirkulazioa Tolosa eta Villabona artean, zutoinen erorketaren ondorengo etenaldia eta gero
Renfek errepide bidez garraio alternatiboa eskaintzeko plan bat jarri du martxan igande goizean, kaltetutako bidaiariak euren azken helmugara edo gutxienez Tolosako geltokira eramateko. Hala ere, zirkulazioa berriro ere martxan jarri da 19:00ak aldera.
Beharrezkoa al da benetan proteina ugariko produktuak kontsumitzea?
Proteinarekiko obsesioa saltokietara iritsi da, baita nutrizionisten kontsultetara ere. Osasungarriak ematen badute ere, etiketak irakurri beharra dago. Adituek formula klasikoa gomendatzen dute: dieta orekatua eta ariketa fisikoa.
Zibererasoak kaltetutako Europako aireportuetan gorabehera gutxi batzuk izaten ari dira oraindik
Aenak larunbatean ziurtatu zuenez, Espainiako aireportuetan ez da ia arazorik izan, baina Europako beste batzuekin lotzen dituzten hegaldietan atzerapenak izan dira, Collins Aerospace sistemarekin lotutako gorabeheren ondorioz.