Eusko Jaurlaritza osorik euskaldun izatea eskatu dute 300 kazetarik baino gehiagok
300 kazetari baino gehiagok manifestu bat sinatu dute Eusko Jaurlaritza berriko sailburu eta goi-kargudun guztiak euskaldunak izatea eskatzeko, euskarazko hedabideek erakunde horretatik datorren informazioa eskaintzeko pairatzen duten "desberdintasuna" zuzentze aldera.
Manifestua ostegun honetan aurkeztu dute Donostian Martxelo Otamendi Berria egunkariko zuzendariak eta Maite Artolak Euskadi Irratiko kazetariak. Eskaera hainbat hedabidetako informatzailek sinatu dute, gehienek euskaraz, eta salatu dute "berdintasun-gabezia" dagoela bozeramaile ofizialek hizkuntza hori ez erabiltzean.
Eusko Legebiltzarrak Euskararen Erabilera Normalizatzeko Legea onartu eta "38 urtera", Eusko Jaurlaritza berrian sailburu, sailburuorde eta goi kargudun euskaldunak soilik izenda daitezela eskatzen du testuak.
Haren ustez, euskararen normalizazioa herritar guztien zeregina da, baina erakunde publikoek "lehen mailako" erantzukizuna dute helburu hori betetzeko orduan.
Informatzaileek egungo pandemia-egoera globala jartzen dute adibide gisa. Herritarrei erabakiei eta hartutako neurriei buruzko informazioa euskaraz helaraztearen eta neurri horiek hartzen dituztenen ahotan ezagutzearen garrantzia azpimarratzen dute.
Otamendik azaldu duenez, erakundeetako arduradun batzuek euskaraz ez hitz egiteak batez ere ikus-entzunezko edukiei eragiten die, ezin baitituzte kargu publiko batzuk elkarrizketatu, eta horrek "herren" uzten du hedabide horien funtzioa.
Berria egunkariko zuzendariak argitu duenez, ekimena deialdi hori publiko egitera mugatzen da, baina oraindik zabalik dago Euskadiko komunikabideetako profesionalen aldetik atxikimendu gehiago jasotzeko.
Albiste gehiago gizartea
Ertzaintza Bernedoko udalekua ikertzen ari da, salaketa publiko baten ostean
Hainbat familiak salatu dutenez, 13 eta 15 urte bitarteko neska-mutilak modu mistoan dutxatzera "behartzen" zituzten.
Espetxera bidali dute Solokoetxeko hilketagatik atxilotuetako bat
Krimenagatik atxilotutako beste biak aske utzi ditu epaileak, kautelazko neurriekin.
"Plazentan oso aztarna baliagarriak egon daitezke umearen bilakaera eta osasuna ulertzeko"
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko. Nora Fernandez Biobizkaiko IRLAB-Inmunogenetika Ikerketa Laborategiko ikertzaileak iragarri duenez, etorkizunean izan daitezkeen gaitzak "beharbada, plazentan aurreikusi daizteke".
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko
Gurutzetako Ospitalean erditzen diren emakume haurdunek odol-lagin bat eta plazentaren zati txiki bat eman ahal izango dute. EAEko biobankuan gordeko dira, eta diabetesa, hipertentsioa eta garapen neuronaleko nahasmenduak ikertzeko erabiliko dira, goiz diagnostikatzeko eta hobeto artatzen laguntzeko.
Zupiriak esan du Vueltako hiru "gertakari" ikertzen ari direla
Bingen Zupiriak adierazi duenez, Espainiako Txirrindularitza Itzulian Bilbon gertatu ziren gertakariak ikertzen ari dira. Zehazki, elkarbizitzarako arauen aurkako hiru gertakari ikertzen ari dira. Adierazpenak, gaztelaniaz.
Barakaldo eta Santurtzi arteko tartea autobusez egingo da, Renfeko Aldirietako katenarian izandako matxura konpondu arte
Barakaldo eta Bilbo arteko zerbitzuak, baita Bilbo eta Muskiz artekoak ere, betiko moduan ari dira eskaintzen. Hala ere, Bilbo-Santurtzi ibilbidearen kasuan, trenak Barakaldoko Desertu geltokiraino bakarrik ari dira.
Euskadin adingabeei egindako sexu abusuen biktima ia denak (% 92) neskak dira, eta gehienak, 15 urtetik beherakoak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak. Halaber, kasu guztietan akusatua gizona zen.
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua emango duela iragarri izana
ELA eta LAB sindikatuek ohartarazi dutenez, psikologo horiek "ez dute espezialitaterik, eta ezin izango dute tratamendurik diagnostikatu eta bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.