Artolazabalen lehen hilabeteotarako helburua, Emakunderen egitura sendotzea
Eusko Jaurlaritzako Berdintasun, Justizia eta Gizarte Politiketako sailburu Beatriz Artolazabalek Emakunde Emakumearen Euskal Erakundearen datozen hilabeteetarako lehen bi helburuak jakinarazi ditu gaur: Emakunderen egitura sendotzea eta berdintasunerako eta emakumeen aurkako indarkeria desagerrarazteko legea aldatzea lehenbailehen.
Sailburua Emakunderen egoitza nagusian izan da, Gasteizen, eta Izaskun Landaida erakundeko zuzendariarekin eta Zuriñe Elordi idazkari nagusiarekin bildu da bertan.
Artolazabalek bertan azaldu duenez, egituraren aldaketa horren ondoren Iñigo Urkulluk Emakunderen kontseilua zuzentzen jarraituko du, eta Emakundek eta Sailak "haren konplizitatea, inplikazioa eta babesa" izaten jarraituko dute. Izan ere, emakumeen eta gizonen arteko berdintasunak eta emakumeen aurkako indarkeriari aurre egiteko borrokak "lehentasun politiko, instituzional, sozial eta mediatikoko esparru bat osatzen dute".
Gainera, Berdintasun, Justizia eta Gizarte Politiketako sailburuak argitu duenez, legegintzaldi berri honetan Emakundek erakunde autonomoa izaten jarraituko du eta zuzendariak sailburuorde kargua izango du, gaur egun bezala.
Artolazabalek Emakundek betetzen duen zereginaren balioa azpimarratu du. Horren arabera, "erreferentziazkoa da eta gizartearen onarpen handia du". "Euskadik esparru horretan aitzindaria izan zen lege bat izan zuen, eta lege hori eguneratzea aukera politikoa da Jaurlaritzak eta Sailak berdintasunaren alde egindako apustua sendotzeko", argudiatu du.
Hori dela eta, "adi jarraitzeko eta gizonen eta emakumeen arteko berdintasunaren aldeko borrokan atzerapausorik ez egiten laguntzeko" eskatu die Euskadiko elkarte feministei. "Orain arte lortutako aurrerapen ukaezinak gorabehera, erronka handiak ditugu oraindik ere", azpimarratu du.
Bestalde, Izaskun Landaidak adierazi duenez, Emakunde Lehendakaritzari atxikita egon da hasieratik, eta "hori lagungarria izan da berdintasun-politikak eta haien zeharkakotasuna bultzatzeko". "Antolamendu-planteamendu berri honek bide berean lan egiten jarraitzeko eta oraindik aurre egin beharreko erronka ugariei erantzuteko aukera ahalbidetzea espero dugu", gaineratu du.
Politika integrala eta zeharkakoa
Epe laburrera ezarritako helburuei dagokienez, Berdintasun, Justizia eta Gizarte Politiketako sailburuak honako hau adierazi du: "Berdintasun politika transbertsalak egiteko helburuak dira, eta haiek lortzeko ezinbestekoa izango da Emakunde osatzen duten giza taldearen erabateko inplikazioa, kolektibo feministen laguntza eta Berdintasun Sailaren eta Eusko Jaurlaritza osoaren bultzada, euskal erakunde guztien konplizitatearekin".
Emakundek eta zuzentzen duen sail osoak "ahaleginak batuko ditugu berdintasun politika transbertsalak egiteko", erantsi du.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.