"Ez-jaietako" istiluak "gertaera isolatuak" izan direla dio Aguraingo alkateak
"Gertaera larria da, baina puntuala eta isolatua, eta ez dio erantzuten bizilagunen jokabideari". Horixe da Ernesto Sainz Lanchares (EAJ) Aguraingo alkateak egin duen balorazioa, asteburuan udalerriko "ez-jaietan" istiluak izan ostean.
Eusko Jaurlaritzako Segurtasun Sailak jakinarazi duenez, Agurainen bi pertsona atxilotu zituzten larunbatetik iganderako goizaldean, 01:30 aldera inguruan. Zaintza lanak egiten ari ziren patruilek jendetza ikusi zuten, 200 pertsona inguru, Alde Zaharrean. Herriko jaiak bertan behera utzi behar izan dituzte pandemiagatik, baina gazteek festa ospatzeko asmoa zuten.
COVID-19aren pandemiari aurre egiteko neurriak errespetatzen ari ez zirela egiaztatu ostean, jende multzoa desegiteko eskatu zieten megafonia bidez.
Une horretan, talde bat botilak eta beste objektu batzuk botatzen hasi zen, eta ertzain bat zauritu zuten. Istilu horietan parte hartu zutenetako bi gazte identifikatu eta atxilotu egin zituzten, desordena publikoa eta ertzainei eraso egitea egotzita.
Radio Vitorian egin dioten elkarrizketan, Aguraingo alkateak ez dio gertatutakoari garrantzirik kendu nahi izan, eta oso larritzat jo ditu gertakariak, baina auzotar eta ostalari gehienen portaerari balioa eman nahi izan dio: "10eko jarrera izan dute". Ernesto Saenzek gaineratu duenez, Aguraingoak inguruko azken "ez-jaiak" dira.
Jatorrizko informazioa Radio Vitoriak landu eta eitb.eus-ek itzuli du
Zure interesekoa izan daiteke
Azpeitiko sutean kaltetutako bi lagunei alta eman eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Orain, Udaleko teknikariek eraikinaren egoera aztertuko dute, hartu beharreko neurriak zehazteko eta sutea zerk eragin duen ikertzeko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak daude.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.