Artolazabalek uste du Irungo aterpea ez dela egokiena migratzaile batzuentzat
Beatriz Artolazabal Eusko Jaurlaritzaren Berdintasun, Justizia eta Gizarte Politikako sailburuak esan du Irungo (Gipuzkoa) aterpearen "ezaugarriak" ez zaizkiela "egokitzen" bertan sartu nahi duten migratzaile "mota" batzuei.
Eusko Jaurlaritzak ohar batean azaldu duenez, Artolazabalek horixe argitu du Tolosan (Gipuzkoa) egindako agerraldi batean, Irungo Harrera Sareak migratzaile askok gaua kalean igarotzen dutela salatu ondoren.
"Batzuk baliabide bat erabiltzera bultzatzen dituzte hasieratik jakinda horretarako profila ez dutela betetzen, eta harritu egiten nau", erantzun dio Artolazabalek kazetariak egindako galderari. Gaineratu du aterpean "sartzen saiatu denetako baten batek hiru urte" daramala Iberiar Penintsulan.
"Baliabidearen ezaugarriak horien profilera ez direla egokitzen uste dugu", azpimarratu du sailburuak. Bestalde, azaldu du Irungo zentroak "errealitate desberdinak" artatu dituela, eta "batzuetan baldintzak malgutu" dituztela "zaurgarritasunagatik, seme-alabak dituzten emakumeen kasuan, behar izan dutenean".
"Orain modu koordinatuan lan egiteko garaia da, beste errealitate hauei irtenbidea emateko, baina azpimarratu nahi dut EAEra iristen diren migratzaileei arreta osoa eskaintzen zaiela", berretsi du sailburuak, eta gogorarazi "egungo pandemia egoeraren ondorioz neurri batzuk" hartu behar dituztela "artatuko dituzten pertsonen jarraipena" egiteko.
Irungo Harrera Sarea, Jaurlaritzarekin "esertzeko" prest
Irungo Harrera Sareak, "bertatik bertara lan egiten duen eta egoera ongi ezagutzen duen kolektiboa den heinean", Berdintasun sailburuarekin, edo "berak egoki jotzen duenarekin", esertzeko prestutasun "osoa" agertu du, Eusko Jaurlaritzak migratzaileei eskaintzen dien ustezko "harrera osoa" hobetzeko.
Kolektiboak ohar batean azaldu duenez, badakite "bidean dauden migratzaileen bazterketa kolektiboaren arazoa galarazteko borondate eta asmo argia dutela erakundeek".
Irungo zentroan eskaintzen den arreta "malgutzeari" dagokionez, Irungo Harrera Sareak adierazi du ez dela "sistematikoa" eta ez dela "beti" hala jokatzen. Horregatik, gogorarazi du asteburuan "agerraldi psikotikoa zuen pertsona batek aterpearen parean" lo egin behar izan duela, "bere egoera jakinda ere" ez ziotela sartzen utzi, ezta "Osakidetzaren mediku txostenarekin ere".
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.