GHK-k jakinarazi du erraustegian energia sortzeko baimena jaso berri duela
Jose Ignacio Asensio Gipuzkoako Hondakinen Kudeaketako (GHK) presidente eta Ingurugiro diputatuak jakinarazi du Zubietako erraustegia daraman enpresak argindarra sortzeko instalazioa martxan jartzeko behin behineko baimena jaso duela.
Asensiok ohar batean azaldu duenez, gaur arratsaldean jaso dute jarduera baimentzen duen agiria, Industria Sailak ukatu eta lau egunera. EH Bilduk eta Elkarrekin Gipuzkoak erraustegia gelditzeko eskatu dute Industria Sailaren erabakia jakin ostean.
Diputatuak uste du jardueraren baimena luzatzen duen agiriak "agerian" uzten duela "batzuk manipulatu nahi izan duten izapide administratibo hutsa" izan dela, eta "benetan garrantzitsuena Gipuzkoak lehen mailako azpiegitura duela eta hondakinen kudeaketaren arazoa konponduta izatea" dela.
Ordu batzuk lehenago, baimena jaso aurretik, Asensiok iragarria zuen Zubietako erraustegiak "normaltasun osoz" jarraitu behar zuela lanean, "hondakin guztiak tratatuz".
EH Bilduren eta Elkarrekin Gipuzkoaren Batzar Nagusietako taldeek Zubietako erraustegiaren "jarduera bertan behera uztea" uztea eskatu dute gaur, eta egoera "argitu" arte azpiegitura kudeatzen duen enpresari ez ordaintzea.
Juan Karlos Izagirre eta Maria Valiente EH Bilduren eta Elkarrekin Gipuzkoaren bozeramaileek prentsaurrekoa eman dute gaiaren inguruko iritzia emateko, eta esan dute hondakinen kudeaketa pribatizatzeak (Ekondakin enpresaren esku utzita) "galarazi" egiten duela azpiegituraren gaineko "kontrola", eta agerian uzten duela "jarraipena egiteko ardura politiko falta, interes pribatuen mesedetan beti".
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, axilotuak askotan urratzen zuen urruntze agindu bat zegoen.
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.