Bruselak ez du Europako arauen urraketarik atzeman Zaldibarko zabortegian
Europako Batzordeak ez du Europako arauen urraketarik atzeman Zaldibarko (Bizkaia) zabortegiaren kudeaketan, baina esan du adi egongo dela auzitegian izango duen ibilbideari, eta gainbegiratu egingo dituela zabortegia ixteko eta atontzeko lanak.
Horixe jaso dute Europako Parlamentuko Eskaera batzordearen txostenean. Eskumena duten agintariek EBko legedia bete ote duten ikertu dute, eta ondorio nagusiak daude idatzita txostenean.
Euroganberak onartu egin zuen San Lorenzoko Bizilagun Elkarteak (Ermua), Zaldibar Argitu! plataformak eta Bizkaiko Ekologistak Martxan Elkarteak aurkeztu zuten eskaera izapidetzea. 2020ko otsailaren 6an zabortegian izan zen luiziak bi langile azpian harrapatu eta hil zituen, eta azpiegituraren kudeaketan egon litezkeen arau hausteak argitzea eskatzen dute.
Europako Batzordeak ondorioztatu du eskatzaileek emandako informazioa eta eskumena duten agintarieen eskutik jasotako dokumentazioa aztertuta, ezin duela "EBko legediaren urraketarik atzeman".
"Batzordea adi egongo da auziak Espainiako epaitegietan izango duen ibilbideari, eta baita neurri zuzentzaileak, itxiera eta errehabilitazioa, EBren legedia errespetatuz egiten dela", gaineratu dute txostenean.
Bruselaren arabera, zabortegiaren kudeatzaileak "baliozko baimena zuen istripua gertatu zenean", eta agintariek "premiazko neurri zuzentzaileak hartu zituzten istripuaren ostean osasunaren eta ingurugiroaren kaltea arintzeko".
Eskumena duten agintariek "eremua etengabe ikuskatu" zutela azpimarratu du Europako Batzordeak, eta zabortegiaren kudeatzaileak isunak jaso zituela, baina "istripuarekin edo amiantoa modu ez seguruan kentzearekin loturarik ez zuten kontuengatik".
Zabortegiaren egonkortasunari buruz, 2018ko txosten batean egonkortasun arazoak agertzen zirela, baina "baimenaren baldintzak urratuz", agintariei ez ziotela bidali ondorioztatu dute.
"Horregatik, agintariek bide legalak jarri dituzte abian eta zabortegiaren kudeatzaileari akats larriak leporatzen dizkiote, ingurugiroaren aurkako kaltearen eta bi heriotzen arduradun egiteko", gaineratu du Europako Batzordeak.
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.