Bizkaian arma trafikoan jarduten zuen talde bat desegin dute
Bizkaian eta Valentzian arma trafikoan eta salmentan jarduten zuen talde bat desegin du Guardia Zibilak, eta zazpi pertsona atxilotu ditu horrekin lotuta. Guztira, 65 su arma konfiskatu dituzte, horietako batzuk gerran erabiltzeko modukoak: fusilak eta pistola metrailadoreak, adibidez. Gainera, metalezko 27.000 kartutxo atzeman dituzte.
Ebanista operazioaren bidez, armak merkatu ilegalera bideratzea eta delitugileei saltzea eragotzi dute, horrek herri-segurtasunari ekar liezaiokeen kalteen jakitun, EAEn Espainiako Gobernuak duen Ordezkaritzak azaldu duenez.
Hamar miaketa egin dituzte, eta horietan 44 arma labur, gerrako 18 arma, 2 arma luze, etxean egindako su arma bat, eskuko 3 granada eta 3 isilgailu atzeman dituzte.
Halaber, hainbat kanoi berri, morroilo eta armak berritzeko euskarriak zituen gordeta talde horrek, baita 298 kargagailu ere.
Iaz hasi zuten ikerketa, beste herrialde batzuetako polizia zerbitzuekin elkarlanean, eta horri esker jakin zuten Bizkaian bizi zen pertsona batek urteak zeramatzala internet bidez su armak saltzen.
Hain zuzen ere, 2012az geroztik armen trafikoagatik Espainian atxilotutako hainbat pertsonarekin lotura zeukan gizon horrek. Izan ere, armak berritzen eta berraktibatzen aritzen ziren guztiak, berriro ere erabilgarri egon zitezen. Behin konponduta, merkatu ilegalera bideratzen zituzten armak.
Albiste gehiago gizartea
Aiora Diaz eta Eñaut Saenz de Viteri Edurne eta Zeledon Txiki izango dira Andre Maria Zuriaren jaietan
Aiora Diaz de Egiguren eta Eñaut Saenz de Viteri, 12 eta 10 urteko neska eta blusa, izango dira Edurne eta Zeledon Txiki Andre Maria Zuriaren Jaietan. Abuztuaren 7an, txikiei eskainitako egunean, eskuartean izango dituzten aterkiak eta ardo zahatoa jaso dituzte.
Euskal diaspora, Txilen
Mikel Reparaz kazetaria Txilen izan da, euskal jatorriko biztanle kopuru handiena duen herrialdean.
Suteek arrisku egoera larrian jarri dituzte Avila eta Caceresko hainbat herri
Extremaduran 2.500 hektarea kiskali ditu asteartean piztutako suak. Avilan, berriz, 600 hektarea inguru erre dira. Hainbat pertsona ebakuatu behar izan dituzte eta egoera ez dago kontrolpean.
Zer dira tsunamiak? Zergatik gertatzen dira?
Errusiako ekialdea astindu duen 8,8 graduko lurrikara izugarriak tsunami alertak piztu ditu Ozeano Barean. Baina, zer dira tsunamiak, eta zergatik sortzen dira?
Legez kanpoko 3.800 tabako-pakete atzeman dizkiete Bilboko aireportuan Armeniatik zetozen bi bidaiariri
Guardia Zibilak kontrabandoko 3.800 tabako-pakete atzeman ditu Bilboko aireportuan, Armeniatik zetozen bi bidaiariren maletetan. 1.900 bana pakete zeramaten. Kontrabandoan aritzea egotzi diete biei.
Zizur Nagusian emaztea hiltzeagatik atxilotutako gizona ondorengo orduotan eramango dute epailearen aurrera
Ikerketako iturriek baieztatu dutenez, atxilotutako gizonezkoak alzheimer gaixotasuna du eta litekeena da osasun-zentro batean ingresatzea.
Itsasadarraren azpiko tunela egiteko proiektua "modu irregularrean eta presaka" onartu izana salatu dute
Subflubiala Ez plataformak, eta Artaza institutuko eta Erromo ikastetxeko guraso elkarteek salatu dute Bizkaiko Foru Aldundiak proiektua onartu duela, alegazioak aurkezteko epea oraindik zabalik dagoenean.
Agertu barik dagoen 77 urteko emakume baten bila dabiltza Barrundian, Araban
16:00ak inguruan, haren senide batek jakinarazi du emakumea etxetik atera dela eguerdian, eta ordutik ez dutela haren berririk.
78 urteko emakume baten hilketa indarkeria matxista gisa ikertzen ari dira Nafarroan
Ikerketako iturriek jakinarazi dutenez, biktimaren senarrak eman du emaztearen heriotzaren berri. Gizona atxilotu dute.
Francis Diez pregoilaria eta Olatz Agirre txupinera, Aste Nagusirako prest
Pregoilariak, Francis Diezek, Doctor Deseo musika taldeko abeslariak, adierazi duenez, "erantzukizuna hartzeko unea zen", eta "gozamena eta betebeharra" bateratzen saiatuko da, "izarra" alde batera utzi eta jaietan jendearen esanetara egoteko. Bestalde, Olatz Agirre txupinerak, Txori Barroteko konpartsakideak, "Bilboko eta inguruko herritarrei, merkatariei eta langileei" gonbitea luzatu die, txupinazoa bota ondoren, jaiez goza dezaten eta parte har dezaten, "pertsona guztientzako lekua dagoelako". "Txori Barrotekoa naiz, baina aurten ez naiz beltzez eta zuriz jantziko, gorriz eta zuriz baizik, konpartsa guztiak eta herri osoa ordezkatzeko", nabarmendu du.