Lau urteko espetxe zigorra kontulari zen enpresatik 652.000 euro lapurtzeagatik
Bizkaiko Auzitegiak lau urteko kartzela-zigorra ezarri dio lan egiten zuen enpresaren kontabilitatea faltsutu zuen gizonari. Akusatuak 24 urtez egin zuen lan enpresa horretan finantza eta kontabilitate arduradun gisa, erretiroa hartu arte, eta urte horietan zehar 652.000 euro lapurtu zituen.
Gaur argitara eman den ebazpenaren arabera, enpresak banketxeetara bidalitako transferentzia aginduen baten bidez ordaintzen zituen langileen nominak, akusatuaren barne. Akusatua zen, hain zuzen ere, nominak ordaintzeko agindu horiek emateaz eta enpresaren kontu-liburuetan zegozkion idazpenak egiteaz arduratzen zena.
Frogatu ahal izan denez, akusatuak hainbat trikimailu erabiltzen zituen, hala nola nominak ordaintzeko aginduak hainbat erakundetara bidaltzea edo agindu horiek nomina igoera faltsu bat jasotzen zuen artxibo batekin bidaltzea. Banketxeak ez zuen engainuaren berri, eta, horrenbestez, transferentziak ohi bezala egiten zituen.
Amarru honekin, 1993tik 2017ko azarora bitartean 651.876 euro bereganatu zituen akusatuak bere ondare pertsonalerako.
Deskubritu ez zezaten, enpresaren liburuetan iruzurrez lortutako zenbatekoekin bat zetozen zifrak apuntatzen zituen, ez hala merkataritza-jardueraren ohiko jarduerarekin bat zetozenak.
Epaiketan, akusatuak onartu egin zuen 640.000 euro inguru hartu zituela. Ondorioz, epaiak lau urteko espetxe-zigorra ezarri dio, merkataritza-agiriak faltsutzea eta bidegabeko jabetzaren delitu jarraituengatik; gainera, 652.813 euroko kalte-ordaina eman beharko dio enpresari.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.