Jaurlaritzak ordenagailua erosteko bekak emango ditu
Eusko Jaurlaritzaren Gobernu Kontseiluak 2021-2022 ikasturtean unibertsitateko eta goi-mailako ikasketak egiteko beken eskaintza onartu du gaur goizean egindako bileran, baita mugitzeko zailtasun bereziak dituzten unibertsitateko ikasleen garraio-gastuak ordaintzeko laguntzak ere. Hezkuntza Sailak 28.560.000 euro bideratuko ditu deialdi honetan laguntzetara.
Jokin Bildarratz Hezkuntza sailburuak azaldu duenez, aurtengo nobedade nagusia da "ikaskuntzari eta eraldaketa digitalari laguntzea" gura duen ikuspuntua txertatzea, digitalizazioaren perspektiba, alegia. Horrela, beka bat lortzen duten unibertsitateko ikasleek ere 300 eta 475 euro arteko laguntza jasoko dute urtean, errenatren arabera eta ikasketa-aldi osoan zehar. Horri esker, ikasleek ordenagailua edo euren ikasketetarako beharrezkoak dituzten beste elementu batzuk eskuratu ahal izango dituzte.
2021-2022 ikasturterako deialdi honetan, Hezkuntza Sailak beken izapidetzea arintzea du helburu, eskaera guztiek ikasturteko lehen hiruhilekoan erantzuna jaso dezaten eta, aldekoa izanez gero, ikasleek urtea amaitu baino lehen kobratu ahal izan ditzaten. Horrela, beka jasotzeko eskubidea duten ikasleek "ahalik eta azkarren" izango dute eskura laguntza, Bildarratzek azpimarratu duenez.
Laguntzak eskatzeko epea uztailaren 1etik 30era bitartean egongo da zabalik, biak barne, eta eskabidea eta izapidetzea modu elektronikoan egingo dira oso-osorik.
Deialdi hau zabalik dago EAEn bizi diren eta ikasketak autonomia-erkidego horretan edo Estatuko beste edozein tokitan egingo dituzten goi-mailako ikasleentzat. Halaber, zerga-egoitza Euskadin duten familiek bekak jaso ahal izango dituzte, autonomia-erkidegotik kanpo erroldatuta egon arren.
Bestalde, deialdi honek, iaz bezala, errentan % 5eko kenkaria izango du, 2021. urte honetan covid-19aren eraginez zailtasun ekonomikoak jasan dituzten familientzat.
2020-2021 ikasturte honetan, 11.294 euskal ikaslek lortu dute unibertsitateko beka orokorra. Bekaren osagaien artean daude matrikula, ikaskuntzari eta eraldaketa digitalari laguntzeari lotutako zenbateko osagarria, familia-errentari lotutako oinarrizko zenbatekoa, hiriarteko desplazamendua, bizilekua eta aprobetxamendu akademikoa.
Joan-etorrietarako laguntzak
Halaber, Hezkuntza Sailak 100.000 euroko gorde ditu baldintza fisiko edo psikikoak direla-eta mugitzeko zailtasun bereziak dituzten ikasleen garraio-gastuak ordaintzeko laguntza-lerrorako.
aguntza hauek jaso ahal izango dituzte mugitzeko zailtasun bereziak dituzten ikasleek ezin badute ikastetxera lekualdatu beren zailtasun berezietara egokitutako garraiobide publiko kolektiboak erabiliz, edo, bitarteko horiek erabiltzeko aukera izanik, hirugarren pertsona baten laguntza behar badute. Ikasle bakoitzaren gehieneko zenbatekoa 12.000koa izango da.
Albiste gehiago gizartea
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa kontrolpean hartu dute. Nolanahi ere, suhiltzaileek eta udaltzainek ingurua hesitu eta trafikoa moztu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sexu-zerbitzuen iragarki faltsuen bidez gizonak estortsionatzen zituen talde kriminal bat desegin dute
Guardia Zibilak lau emakume identifikatu ditu ustez estortsioagatik, talde kriminaleko kide izateagatik eta dirua zuritzeagatik. Biktimak sei probintziatan daude; dirudienez, mehatxatu egiten zituzten sexu-zerbitzuen ustezko iragarkien bitartez harremanetan jarri ondoren.
Sopelako eta Urduñako hainbat igerileku itxi dituzte, uretan gorotzak agertu direlako
Zikinkeria horren jatorria sare sozialetan zabaldu eta birala egin den erronka batean dago. Uda hasi denetik dozenaka igerileku itxi dituzte Estatuan, arrazoi beragatik.
Istilurik gabeko gaua Torre Pachecon, baina tentsioak jarraitzen du ultraeskuindarren deialdi berriengatik
Ultraeskuindarrek kontzentrazioa deitu zuten atzo, baina ez zen istilurik izan, poliziaren presentziagatik. Deialdi berrien aurrean segurtasuna indartu dute. Hainbat hedabidetako kazetariek ehun bat ultraren jazarpena sufritu dute.
Donostiako Udala salatu dute Xabi Alonsoren txaletaren eraikuntzan prebarikazioa egin dutelakoan
Haritzalde eta Ekologistak Martxan elkarteek salaketa jarri dute Gipuzkoako Fiskaltzaren aurrean Donostiako Udalaren aurka, futbolari ohiaren txaletaren obretan Igeldon sarbide mugatu bat erabiltzea baimentzeagatik.
Albiste izango dira: Karmen Eguna, Torre Pacheco eta Sitgesko zinema jaialdiaren aurkezpena
Gaurkoan albiste izango direnen laburpena, bi hitzetan.