76 hautagai, 2022ko Urrezko Danborra izateko
Donostiarrek 76 hautagai proposatu dituzte 2022ko Urrezko Danborra izateko, Donostiako Udalak ostiral honetan iragarri duenez.
Udaleko Idazkaritza Nagusiak behin betiko hautagaitzak aztertzeko eta baliozkotzeko prozesua amaitu du, eta baldintzak betetzen ez zituztenak kendu ondoren, 76 dira guztira hautagaiak.
Proposamenak aztertzeko prozesua amaitutakoan, espedientea Bozeramaileen Batzordera bideratuko da, eta Batzordeak azaroaren 29tik abenduaren 3ra arteko epea izango du azken bozketa egiteko eta gehienez ere hiru hautagaitza hautatzeko, edo, adostasun handia izanez gero (gehiengo kualifikatua, hau da, 27 zinegotzitik 18), saritua zuzenean izendatzeko.
Besteak beste, Borja Cobeaga eta Woody Allen zinemagileak, Bruce Springsteen, Iñaki Salvador eta Mikel Erentxun musikariak, Esther Ferrer, Julian Schnabel eta Eduardo Chillida zendua daude hautagaien artean.
Fernando Aramburu idazlea eta Juan Maria Arzak eta Karlos Arguiñano sukaldariak ere agertzen dira hautagaien zerrendan, eta, beste behin ere, Realari lotutako hainbat izen agertzen dira, horien artean Imanol Alguacil entrenatzailearena, Mikel Oyarzabal erdilariarena eta Xabi Prieto kapitain ohiarena.
Maialen Chorraut piraguista eta Lucas Eguibar rider gipuzkoarra ere agertzen dira lehian, eta hainbat kirol klub ere agertzen dira, Bera Bera edo UR Kirolak, esaterako.
Jose Luis Rebordinos Donostiako Zinemaldiko zuzendaria, Donostiako Orfeoia, BCBL eta Eureka Zientzia Museoa dira 2022ko Urrezko Danborra irabazteko beste hautagai batzuk, Isabel Verdini down sindromea duten haurrek osatutako dantza konpainiaren zuzendariarekin batera.
Maixabel Lasa (Juan Maria Jauregiren alarguna, ETAk hildako Gipuzkoako gobernadore zibila), Aimar Bretos edo Emma Garcia kazetariak, Isabel Zapardiez diseinatzailea eta Francisco Etxeberria auzitegiko medikua ere 76 hautagaien artean daude, eta Albako dukesa ere agertzen da.
Kontsultatu hautagaien zerrenda osoa:
- Aimar Bretos
- Alvaro Martinez Bueno
- Dravet Laguntza Elkartea
- Kañoyetan Gastronomia Elkartea
- ATECE Gipuzkoa
- Aurora Intxausti
- BCBL (BASQUE CENTER ON COGNITION, BRAIN AND LANGUAGE)
- Begoña del Teso
- BerriUp SL, Aceleradora de Startups
- Borja Cobeaga
- Bruce Springsteen
- Bera Bera Kirol Elkartea, emakumezkoen eskubaloia
- Desgaitasuna duten pertsonen Kemen Kirol Elkartea
- Cristina Enea Fundazioa
- Donostia Arraun Lagunak Kluba
- Eduardo Chillida edo bere familiako kideren bat bere izenean
- Elena Auzmendi Leveque
- Emma Garcia
- Esther Ferrer
- Eureka! Zientzia Museoa. Kutxabank
- Felix Zubia
- Fernando Aramburu
- Francisco Etxeberria Gabilondo
- Giovanna Santamaria Martin
- Imanol Alguacil
- Iñaki Salvador
- Iñigo Agustin Ansa Rodriguez
- Iñigo Asturias
- Ion Aramendi
- Isabel Verdini Carranza
- Isabel Zapardiez
- Izaro Andres
- Javier Fernandez
- Javier Korta
- John Benjamin Toshack
- Jon Santacana Maeztegui
- Jose Edmundo Alonso Arnedo
- Jose Luis Rebordinos
- Jose Maria Leclercq Saiz
- Josefa Berasategi Etxeberria
- Josetxo Mayor
- Juan Aguirre
- Juan Mari Arzak
- Julian Schnabel
- Karlos Arguiñano
- Albako Dukesa
- Lucas Eguibar Bretón
- Maialen Chourraut
- Maialen Landia
- Maite Sabadell Gonzalez
- Maixabel Lasa
- Maria Teresa Gaztañaga Garcia
- Miguel Angel Moya Rumbo
- Mikel Arteta
- Mikel Erentxun
- Mikel Oyarzabal
- Musealia Exhibitions & Museums Sl
- Nerea Eizagirre
- Nordic Walking Donostia Urban Elkartea
- Donostiako Orfeoia
- Pablo Feijoo
- Peio Aldazabal Bardaji
- Radio Donosti
- Rafael Aguirre Franco
- Raul Garcia Puerto
- Donostiako Real Club Nautikoa
- Aldabaldetreku jostundegia
- SDN Ur Kirolak
- Union Artesana sozietatea
- Tito Irazusta
- Tomas Hernandez Mendizabal
- Uliako Lore baratzak ingurugiro elkartea
- Vicente Rastrillas
- Woody Allen
- Xabier Anduaga
- Xabier Prieto
Zure interesekoa izan daiteke
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen ari da atera dadin.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.