Epaileek baimena eman dute Katalunian etxeratze-agindua ezartzeko, edukierak murrizteko eta bilerak mugatzeko
Kataluniako Justizia Auzitegi Nagusiak ebatzi du osasun egoera honetan etxeratze-agindua ezartzea, edukierak murriztea eta taldean bildu daitezkeen pertsonen kopurua 10era mugatzea legezkoa dela. Halaber, ontzat eman du covid ziurtagiri digitala erabiltzen jarraitzea.
Generalitateak auzitegiaren baimena behar zuen aipatu murrizketak ezartzeko, oinarrizko eskubideei eragiten dietelako. Neurri berriak 14 egunez egongo dira indarrean eta ostegun gauerditik aurrera aplikatuko dituzte.
Etxeratze agindua 126 udalerritan ezarriko dute; edukiera % 50era murriztuko dute jatetxeetan eta % 70era saltokietan, gimnasioetan eta kirol eta kultur ekitaldietan. Gainera, ostiral honetatik aurrera diskotekak itxita egongo dira.
Erabaki hori hartzeko Kataluniako Osasun Publikoaren Agentziak egindako txostena hartu dute kontuan epaileek. 100.000 biztanleko intzidentzia-tasa metatua aste batetik bestera % 28 hazi dela eta Katalunia larrialdi maila gorenean dagoela azpimarratuta, birusaren transmisio komunitario kontrolik gabe dagoela eta horrek osasun sistemaren ahalmenean eragin zuzena izango duela ohartarazi dute adituek.
Horrez gain, omikron aldera askoz kutsakorragoa dela, urtea amaitu orduko aldaera nagusia izango dela eta, neurririk hartu ezean, urtarrilean, eguneko 25.000 positibo izango direla aurreikusi dute.
Kutsatzeekin batera, koronabirusak eragindako ospitaleratzeak eta heriotzak ere datozen asteetan gora egiteko arrisku handia dagoela ondorioztatu dute.
Datu horekin, Generalitateak proposatutako murrizketak baimentzea ebatzi dute epaileek.
Albiste gehiago gizartea
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.