Eskolara itzultzeko protokoloa: musukoa derrigorrezkoa eta lehiaketarik ez eskola kirolean
Dagoeneko bidali dute EAEko ikastetxeetara covid-19aren aurrean jarduteko protokolo eguneratua. Berritasunen artean daude, besteak beste, musukoaren erabilera itzuliko dela jolastokietara edota burbuila ikasgela osoa izango dela berriro.
Eskolaz kanpoko jardueretan ere, aldaketak izango dira. Burbuilari eutsi beharko zaio, egoera epidemiologikoak hobera egin bitartean. Eskola-kirolari dagokionez, berriz, soilik entrenamenduak egingo dira, lehiaketarik ez, eta, ahal dela, kanpoaldean edo ondo aireztatutako barrualdeetan egingo da.
Neurri horiek guztiak pandemiaren bilakaeraren arabera alda daitezke, eta aurreko ikasturteko protokoloetan jasotako egoeretara itzuli.
Gabonen ostean ikasleak aurrez aurreko eskoletara itzuliko direla baieztatu ostean, asteazken honetan jaso dute EAEko ikastetxeek covid-19aren aurrean jarduteko protokolo eguneratua.
Maskara nahitaez erabili beharko da, distantzia edozein dela ere, baita jolastokietan ere. Urrian maskarak kendu ziren aisialdiarako, eta kanpoaldean Bigarren Hezkuntzarako (distantzia zainduta, bazkaltzeko eta jarduera fisiko bizia egiteko).
6 urtetik beherakoek (Haur Hezkuntza), Hezkuntza Bereziko gela egonkorrek eta Hezkuntza Bereziko ikastetxeetako ikasleek ez dute musukoa eraman beharko. Dena dela, 6 urtetik beherakoei autobusean maskara erabiltzea gomendatu dute.
Ikasgela barruko taldeen antolaketari dagokionez, burbuila-taldeak edo Bizikidetza Egonkorreko Taldea (BET) itzuliko dira: tutorearekin batera ikasle-kopuru mugatua duen ikasgela burbuilatzat hartuko da berriro. Urrian, maila bereko ikasgela desberdinetako ikasleekin kanpoan elkarreragiteko aukera ireki zen. Orain ez.
Hezkuntza Sailak azaldu duenez, ez da beharrezkoa izango goizetan ikasleei tenperatura hartzea. Norberaren erantzukizunari helduz, etxean bertan tenperatura hartzea gomendatu du.
Birusaren intzidentzia-tasa altuak ikastetxeei zuzenean eragiten die, eta horietan, hala ere, aurrez aurreko hezkuntza bermatzeko helburuari eutsi nahi izan dio Hezkuntza Sailak.
Horregatik, Gabonetako oporretatik itzuli ondoren, indarrean dagoen Protokolo Orokorra zorrotz betetzeko eskaria egin dute, eta, aldi berean, funtsezko alderdi batzuk (kontaktuak mugatzearekin eta espazioak aireztatzearekin zerikusia dutenak, esaterako) indartu egin dituztela jakinarazi du.
Zure interesekoa izan daiteke
Europako ikerketa baten arabera, eleaniztasunak gazte izaten laguntzen du
Ikerketak ondorioztatu duenez, hizkuntza bat baino gehiago hitz egiten duten pertsonak gainerakoak baino georago zahartzen dira.
Behobiako partaide bat salbatu zuen mediku korrikalaria: "Luze egin zen, 10 minutu egon ginen bihotz-biriketako bizkortzea egiten"
Rafa Pajaresek, Segoviako Ospitaleko ZIUko medikuak, ez du ahaztuko joan den igandean Behobia-Donostia lasterketan bizi izandakoa. Lasterketako 10. kilometroan oihuak eta "parada" hitza entzun zituen. Berehala laguntza ematera hurbildu zen. Bertan zeuden beste osasun-langilerekin batera, bihotz-biriketako geldialdian zegoen korrikalaria suspertzea lortu zuten.
Alboka eta txalaparta doinuekin hartu dituzte Palestinako selekzioko jokalariak
Futbolari palestinarrak astearte eguerdan iritsi dira Bilboko Aireportura, euskal futbol selekzioarekin larunbatean San Mamesen duten hitzordurako. Bilbon dauden bitartean, EHUren ikasle-egoitza batean hartuko dute ostatu.
Nortasun agiria lapurtu zioten eta iruzurra egin duelakoan ikertu dute: bizkaitar neska gazte baten kalbarioa
22 urteko Iratik salatu du 2023an nortasun agiria lapurtu ziotela, eta Internet bidez iruzurrak egiteko erabili izan dutela haren dokumentazioa. Hiru auzi judizialetan ikertu gisa deklaratzera deitu dute, eta akats baten ondorioz atxilotu dute.
Gertakariak oroitu eta familiak omentzeko ekitaldi handi batekin gogoratuko dute aurten Martxoaren 3a Gasteizen
Udalak eta Martxoak 3 elkarteak jarduera programa bat antolatu dute, elkarlanean; tartean, zinema ziklo bat eta literatur lehiaketa. Otsailaren 28an Europa Jauregian egingo da oroimen ekitaldi handia, nahi duen orori irekia.
-5?fmt=webp-alpha&qlt=80)
Nerabeen % 10ak ziber-jazarpena jasan du eta hirutik batek indarkeria digitala bikote harremanetan
Haurtzaroa, nerabezaroa eta ongizate digitala neurtzen dituen UNICEFen txosten berriaren arabera, azken lau urteetan jaitsi egin dira “sexting” kasuak zein mugikorraren erabilera ikasgelan, baina antsietatea eta indarkeria digitala areagotzen ari dira.
Palestinako futbol selekzioko jokalariei doako ostatua emango diete EHUren egoitza batean
Miguel de Unamuno ikastetxe nagusian hartuko dute ostatu futbolari palestinarrek, Bilbon egingo duten egonaldia bitartean. Iker Goñi Euskadiko Futbol Federazioaren presidenteak azaldu duenez, euskal selekzioak etxean inoiz egindako partidarik jendetsuena izango da larunbateko hitzordua, hiru astean 50.000 sarrera baino gehiago saldu dituztelako.
Arkaitz Rodriguez: "Larunbatean Palestina berriro besarkatuko dugu"
Arkaitz Rodriguez EH Bilduko Ekintza Politikoko idazkariak adierazi duenez, beharrezkoa da Palestina babesten eta Israelen genozidioa salatzen jarraitzea. Euskal Herriak Palestinarekiko elkartasunean erreferente izaten jarraitu behar duela azpimarratu du Rodriguezek. "Euskal Herriak gol beste gol bat sartu behar du Palestinarekiko elkartasunaren aldeko norgehiagokan", gaineratu du.
Eneko Arruabarrena (Metro Bilbao): "Metroa gero eta zaharragoa da, eta zahartze programatuari lotutako gero eta arazo gehiago ditu"
Metro Bilbaoko zuzendari gerentearen arabera, eskaera gehiagori aurre egiteko "beharrezkoa" izango da metroa gaurkotzea, eta tren berriak, seinalizazio-sistema eta aginte-postuak berritzea.
Arrantza- eta akuilkultura-industriaren hondakinak ongarri biologiko bihurtzeko Europako proiektu bat koordinatu du NEIKERrek
Erakundeak azaldu duenez, "sortutako ongarriek inportatutako ongarriekiko mendekotasuna murrizten lagunduko dute, funtsezkoa da eta ezegonkortasun geoestrategikoko garaietan, eta aukera ematen dute ingurumena gehiago errespetatzen duen nekazaritza sektore baterantz urratsak egiten jarraitzeko".