Eneko Goia: "Realzale eta donostiar bezala lotsatu egiten nau, benetan gaitzesgarriak diren portaerak dira"
San Sebastian egunaren bezperan, Realaren eta Atletico Madrilen arteko futbol partidaren atarian Anoeta kanpoaldean izandako istiluak gaitzetsi ditu Eneko Goia Donostiako alkateak. Benetan portaera gaitzesgarria dela azpimarratu du Euskadi Irratiko "Faktoria" saioan egin dioten elkarrizketan: "Eman genuen espektakulua lekuz kanpo dago erabat. Realzale eta donostiar bezala lotsatu egiten nau horrelako gauzak ikusteak. Nik uste benetan gaitzesgarria den portaerak direla". Hori albo batera utzita, gaua lasaia izan dela nabarmendu du. Gaur egun dauden murrizketekin tabernek 01:00ak arte zabaltzeko baimena zuten.
San Sebastian eguneko ohiko ekitaldiak bertan behera gelditu dira, eta haurren danborrada izango da eguneko ekitaldi bakarra Donostian. 12:00etan hasiko da, baina ezohiko moduan egingo dute, hiriko bost auzotan banatuta. Eneko Goiak Euskadi Irratian iragarri duenez, "batetara behintzat hurbilduko naiz".
Urtero, eguraldiari begira izaten dira danborradako parte-hartzaileak, eta aurten ere ez da salbuespena izango. Eneko Goiaren esanetan, eguraldi iragarpenaren arabera ez du euri asko egingo, baina egingo balu igandera atzeratuko litzateke.
Urrezko Danborra Esther Ferrerri emateko ekitaldiaz galdetuta, Eneko Goiak esan du ulertzen duela egungo egoerarekin artista Donostiara etorri ez izana. Goia bera Parisera joan zen saria ematera, eta "oso pozik eta eskertuta" ikusi zuen sariduna.
Albiste gehiago gizartea
Euskadin adingabeei egindako sexu abusuen biktima ia denak (% 92) neskak dira, eta 15 urtetik beherakoak gehienak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak. Halaber, kasu guztietan akusatua gizona zen.
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua eskainiko duela iragarri izana
ELA eta LAB sindikatuek ohartarazi dutenez, psikologo hauek "ez dute espezialitaterik, eta ezin izango dute tratamendurik diagnostikatu edo bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.
Osakidetzak psikologia zerbitzua emango du Lehen Arretako 13 zentrotan
Gipuzkoako lau zentrotan, Arabako bitan eta Bizkaiko zazpitan arituko dira psikologoak. Lehen Arretako gaixoen ongizate emozionalaren erreferente izango dira psikologo horiek, kasu arinenak ere artatuz, eta familia-medikuaren eta ospitalez kanpoko osasun mentala artatzeko zentroen arteko bitartekari moduan jardungo dute.
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Behatokiak iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzengatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.