Donostiako Udalak Hiritar Merezimenduaren Dominak eman ditu
Donostiako Udalak Hiritar Merezimenduaren Dominak emateko ekitaldia egin du arratsalde honetan Victoria Eugenia Antzokian.
2022ko Urrezko Danborra joan den igandean jaso zuen Esther Ferrer artistak, Parisen, eta gaurko sari-banaketan une horretako bideo bat emititu dute.
Ferrerrek ezin izan du Donostiara etorri, pandemia dela eta, medikuek hala aholkatu diotelako. Hala, igandean Eneko Goia alkatea eta Edurne Ormazabal Tabakalerako zuzendaria Pariseraino joan ziren, Ferrerri Urrezko Danborra eskura emateko.
Añorga Kirol eta Kultur Elkarteak, Bidegin elkarteak, Jose Maria Leclercq historiarlariak, Kresala Zineklubak eta Zurriola Antzerki Eskolak jaso dituzte Hiritar Merezimenduaren Dominak.
Ekitaldian, Eneko Goiak adierazi du "San Sebastian Eguna itzuliko" dela eta ostegun honetako haurren danborradak "itxaropenaren sinbolo" bilakatuko direla erantsi du; izan ere, "aurten, iaz baino pixka bat hobeto gaude, eta datorren urtean, aurten baino askoz hobeto egongo garela espero dugu".
"Horixe da donostiarrei helarazi nahi diegun mezua. San Sebastian Eguna berandu baino lehen itzuliko da, murrizketarik gabe, danborradek kaleak beteta eta jendea pozik eta festaz betiko moduan gozatzen", gaineratu du Goiak.
Zure interesekoa izan daiteke
Horrelakoa izango da MV Hondius ontziaren lehorreratzea, Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, tripulazioko kide batzuekin geratuko baitira ontzi barruan.
ELA, LAB eta Steilas kalera aterako dira gaur Bilbon euskararen alde
Mobilizatzea erabaki dute "euskaraz lan egiteko eta bizitzeko eskubidearen aurkako ofentsiba judizial, politiko eta sindikalaren aurrean".
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.