Korrika amaierako jaia: Programa eta ekitaldiak Donostian

2.500 kilometro egin eta bidean irudi epiko eta hunkigarriak utzi eta gero, euskararen aldeko Korrikaren 22. edizioko lekukoa Donostiara iritsiko da, eta dagokion muntako ongietorria izango du: musika, herri bazkaria, bertso saioa, Pirritx, Porrotx eta Marimototsen emanaldia…

Korrika Amurrion (Araba) abiatu zen martxoaren 31n, eta Euskal Herriko lurralde guztiak zeharkatu ditu Gipuzkoako hiriburura, hurrengo edizioko abiapuntura, iritsi aurretik.

07:30ean sartuko da, hain zuzen ere, Korrika Donostian, Errekaldetik. 12:30etik aurrera izango da "HitzEkin" lelopean egin duten Korrikaren amaiera ekitaldia (zuzenean, eitb.eus-en), Boulevard zumardian, udaletxearen ondoan. Orduan iritsiko da Euskal Herriko milaka eta milaka herritarren babesa jaso duen lasterketa helmugara, eta lekukoaren barruan han-hor-hemen ibili den mezu sekretuaren egilea nor den jakingo da, baita, noski, mezuaren beraren edukia ere.

Ekitaldi nagusiaren aurkezleak Atzean Zuloa Bagera Elkarteak sortutako proiektuaren aktoreak izango dira, Ivan Aizpurua eta Nerea Aranburu donostiarrak.

12:00etatik aurrera, zortzi gune atonduko dituzte, Boulevarden bertan, Alderdi Ederren, Kaian, Zuloaga plazan, Konstituzio plazan, Trinitate plazan, Gipuzkoa plazan eta Sarriegi plazan.

1| ETXEPARE GUNEA (BULEBARRA)

Erakusketak egunean zehar: KORRIKA ahizpak / KORRIKA munduan

12:00 Girotzea (joaldunak / trikitilariak...)

12:30 KORRIKA BUKAERA

13:00 Kantugiraren hasiera

13:30 Egunean Behin partida

15:00 Zutik elektrotxaranga

16:00 ALERTA MOREA

17:00 KILIMAK

2| ALDERDI EDER

10:00 Basoa ezagutuz Urgullen (izen-ematea: xomorrotaldea@gmail.com)

13:00 Iratxoen ikuskizuna

15:00-17:00 Tailerrak: Zirkua / Baratza / Egur eraikuntzak / Hizkuntzen jolasa

17:00 Pirritx, Porrotx eta Marimotots

3| EUSKO LABEL GUNEA (KAIA)

Bertako produktuen azoka

"Piratek 20 urte" erakusketa

13:30 EHko Batukada feminista sarea

15:30 AXURI BELTZA Kultur elkartearen emanaldia

16:30 Bertsolariak: Beñat Gaztelumendi, Oihane Perea, Onintza Enbeita, Sustrai Colina eta Julio Soto. Gai-jartzailea: Ane Ezenarro

18:00 OLATZ SALVADOR

20:00 TRIKIDANTZ

4| NAIZ GUNEA (ZULOAGA)

13:30 Elektrotxaranga pirata

14:30 AUZOKO egitasmoaren emanaldia

15:00 Gipuzkoako gazte sortzaileen sarearen aurkezpen-emanaldia

16:30 LAMIAK

17:30 MUGAN

18:30 ETS

5| PLAZA BERRIA (KONSTITUZIO PLAZA)

17:00 Erromeria

6| TRINI

13:30 Bazkaria (1. txanda)

15:00 Bazkaria (2. txanda)

7| GIPUZKOA PLAZA

Artisau eta herri eragileen azoka egun osoan zehar

8| SARRIEGI PLAZA

Txerri sekretua sagar purearekin eta kroketak

Antolatzaileek bi ohartarazpen egin dituzte igandera begira: batetik, eraso sexistarik gabeko eguna izateko, eta, bestetik, garraio publikoa erabiltzeko.

Korrikaren amaiera zuzenean jarraitu ahalko da ETBn eta eitb.eus-en, eta egun horretan Donostiatik egingo dira "Gaur Egun" eta "Teleberri", zuzenean.