Neskek eta blusek argi utzi dute ziztadak eraso "matxistak" direla
Azken egunetan, gutxienez 14 emakumek Euskadiko txoko ezberdinetan salatutako ziztadak hizpide izan ditu Gasteizko Blusen eta Nesken Batzordeak. Zentzu horretan, eraso "matxistak" direla. Horregatik, "eman beharreko garrantzia eman" behar zaiela erantsi du.
Neskek eta blusek eraso matxistarik gabeko festak aldarrikatu dituzte, Andre Maria Zuriko txupinazoaren bezperan.
Virginia Gomez eta Arrate Ruiz de Escudero batzordeko bi ordezkariek Andre Maria Zuriaren plazan emandako prentsaurrekoan azaldu dutenez, jaietan gertatu daitekeen edozein eraso matxistari aurre egiteko protokoloa prestatu dute. Festa Zeledonen jaitsiera jendetsuarekin lehertuko da ostegun honetan.
Eraso bat gertatzen baldin bada, "kanpo erantzun" bat emateko diseinatu dute protokoloa, arratsalde guztietan blusen eta nesken paseilloan geldialdiak egitea, esaterako. Era berean, "barne erantzuna" ematea planteatu dute; izan ere, biktimari aholku emango diote, eraso baten aurrean nora jo azalduz.
Emakumeen kontrako erasoen aurrean, herritarren kontzientziazioa eta jarrera kritikoa sustatzeko helburua du protokoloak, eta, erasorik balego, erantzun soziala bultzatu.
"2015etik aurrerapauso asko eman ditugu, ibilbidea orduan hasi genuen, baina oraindik bide luzea dugu aurretik", onartu dute Batzordeko bozeramaileek. "Autodefentsa feminista" eta emakumeen "ahalduntzea" bultzatu nahi dituzte.
Azkenik, Mugimendu Feministak, Ikusgunek eta Gasteizko Udalak eskainitako babesa eskertu eta "guztien gozamenerako festak" izatea opa dute.
Albiste gehiago gizartea
Karabela portugesa gorabeherak eragiten ari da Euskal Herriko hondartzetan
Donostiako Zurriolan eta Kontxan, eta Bizkaian Bakioko hondartzan atzeman dituzte. Itsas korronteen eta haizearen ondorioz iritsi ohi dira bizidun horiek itsasertzera, eta zenbaitetan horien ziztadak arriskutsuak izan daitezke.
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.