Zanbranako sutea itzali dute azken orduetan egindako euriari esker
Euria egin du bart Araba hegoaldean, eta, baldintza meteorologikoek lagunduta, suhiltzaileek Zanbranan igandean piztutako sutea itzali dute, Arabako Foru Aldundiak baieztatu duenez.
Atzo, arratsaldean, bestelakoa zen egoera. Haize zakarrak eta hezetasun faltak Santa Cruz del Fierro eta Ozio fokuetako garrak bizitu zituzten, eta kezka piztu zen. Dena dela, esan bezala, itzalita dago sutea, baina han dira oraindik larrialdi zerbitzuetako langileak. Arabako suhiltzaileen eta Foru Aldundiko baso langileen 30 bat behargin daude zaintza lanetan.
Besteak beste, honako lanak egiten ari dira: oraindik ketan dauden eremuak freskatu, lurrean botata geratu diren ur hodiak kendu, eta sarbide zaila duten guneetara iristeko bideak zabaldu dituzte, Arabako suhiltzaileek zehaztu dutenez.
Gainera, iragarpen meteorologikoak ez dira onak. Izan ere, haize bolada zakarra eta tenperatura altuak daude iragarrita, eta Araba ia osoan (erdialdea eta Arabako Errioxa), baso suteen arriskuagatik abisu horia ezarriko du Eusko Jaurlaritzako Segurtasun Sailak 14:00etatik gauerdira arte.
Suteak 190 hektarea kiskali ditu, basobera gehienbat. Arabako Foru Aldundiko Nekazaritza Departamentuak jakitera eman duenez, suak 170 hektarea txaraka suntsitu ditu, eta beste 20 hektarea laborantza lursail, nahiz eta dagoeneko uzta bilduta izan.
Gainerakoan, sutearen gunetik gertu dagoen A-3126 errepidea ireki dute berriro, Trafiko Zuzendaritzak jakinarazi duenez.
Nafarroan ere, altua da sute arriskua. Foru erkidegoaren ipar-mendebaldean, "muturrekoa" da arriskua, eta erdialdean, "oso altua". Hain justu, azken orduetan bi sute txiki itzali dituzte, bata, Goizuetan, eta, bestea, Burlatan.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.