Jaime Tapiaren ustez, bi legealdi beharko dira espetxe zerbitzua Jaurlaritzaren ereduaren arabera antolatzeko
Datorren larunbatean urtebete izango da espetxeen kudeaketa Eusko Jaurlaritzaren esku geratu zela. Urtemuga horren atarian, Jaime Tapia magistratu eta Jaurlaritzaren espetxeetako aholkulariak 12 hilabeteotako balantzea egin du Euskadi Irratiko "Faktoria" saioan egin dioten elkarrizketan. Tapiaren esanetan, argiak ilunak baino gehiago dira, aurrerapenak egin dira, nahiz eta "argi-ilunak ere egon badauden". Ildo horretan, aurreikusi du bi legealdi beharko direla espetxe zerbitzua Eusko Jaurlaritzaren ereduaren arabera antolatzeko.
Magistratuaren hitzetan, eskumena jasotzerako jakina zen langile falta zegoela, baina horretarako funtzionarioen lanpostuen zerrenda bat egin behar da, eta "hori ez da egun batetik bestera egiten". Arazo horri erantzun bat emateko asmoz, funtzionarioen artean gehiengoa duen sindikatuarekin adostu dute bi urteko epean hutsune horiek betetzea.
Eusko Jaurlaritzak 457 gradu progresio eman ditu urtebetean, eta horietako batzuk, 25, ETArekin lotura duten presoei eman dizkiete. Horrek sektore batzuetan sortu duen harrabotsaz galdetuta, Tapiak azaldu du adierazpen askatasuna errespetatzen duela baina iritzi horiek ez dutela eraginik bere eguneroko lanean. Are gehiago, presoei emandako gradu progresioak ondo arrazoituta eta legearen barruan daudela nabarmendu du.
Oraindik ere EAEtik kanpo dauden ETAko presoak lekualdatzeko eperik ba ote dagoen galdetuta, ezetz erantzun du.
Albiste gehiago gizartea
Oñatiko Larraña Etxeak 20 nazionalitateko 100 errefuxiatu hartzen ditu
Zentroa kudeatzen duen Zehar-Errefuxiatuekin elkarteak salatu du Erregelamenduaren erreforma berriak nazioarteko babesa eskatzen duten pertsonak "zigortzen" dituela. 3.000 pertsonak baino gehiagok eskatu dute nazioarteko babesa Euskadin aurten.
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Musika, nagusi: EAEko 10 kultur ekitalditatik hiru musikari lotutakoak dira
6.342 kontzerturekin, musika euskal agendan gehien agertzen den forma kultural gisa finkatu zen iaz. Ondoren antzerkia (4.239 ekitaldi) eta, urrunago, zinema/ikus-entzunezkoak (2.349) eta dantza (860).
EAEko kultur ekitaldien ia erdiak euskarazkoak edo elebidunak dira
2024an programatutako kultur ekitaldien % 32,8 euskara hutsean izan ziren, eta % 13,1 elebidunak, gaztelaniarekin edo beste hizkuntza batekin batera.
EAEko kultur sarea: bizia, baina asimetrikoa
2024an, ia 20.000 ekitaldi inguru erregistratu ziren hiru lurraldeetan, Kulturklik atariaren arabera. Beste era batera esanda: egunean, batez beste, 55 kultur saio izan ziren EAEko udalerrietan.
Kultur programazioa urte osoan zehar ereiten da EAEn, baina udazken-negua da sasoirik emankorrena
Orokorrean orekari eusten zaion arren, eskualdeen arteko aldeak egon badaude. Eremu batzuetan programazioa batik bat uda sasoira bideratzen dute, eta beste batzuetan, aldiz, ekitaldiak hilez hil sakabanatzen dituzte.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.