Auzitegi Konstituzionalak, itxuraz, gaur hartuko du abortuaren legeari buruzko erabakia
Itxura guztien arabera, Espainiako Auzitegi Konstituzionalak gaur hartuko du abortuaren legeari buruzko erabakia, ia 13 urte geroago. Jose Luis Rodriguez Zapatero buru zuen gobernu sozialistak bultzatu zuen legea 2010. urtean, eta PPk horren aurka jarritako helegitea ebatzi gabe dago oraindik.
Abstentzioak eta lau magistraturen aurkako errekusazioak baztertuta, atzo hasi zuen eztabaida Auzitegi Konstituzionaleko osoko bilkurak.
Iturri juridikoen arabera, eztabaida "bizia" izaten ari da, baina "litekeena" da gaurko saioan osoko bilkurak erabakiren bat hartzea. Auziak 13 urte luze daramatza ebatzi gabe, eta Candido Conde-Pumpido Auzitegi Konstituzionaleko presidentearen lehentasunetako bat da.
Gehiengo progresistak (zazpitik lauk) 2010ean Jose Luis Rodriguez Zapateroren gobernuak bultzatutako abortuaren legeari erabateko babesa emateko asmoa du, gertuko iturrien arabera.
Enrique Arnaldo magistratu kontserbadoreak atzoko saioan azaldu zuenez, gai bakarra da Konstituzioaren kontrakoa: emakumeek abortatu aurretik jasotzen duten informazioa arautzen duena. Horregatik, kontzientzia eragozpena, abortua praktikatuko duten osasun langileei ez ezik, abortatu nahi duten emakumeekin aurretik hitz egiten dutenei ere aplikatzea proposatu zuen.
2010eko Haurdunaldiaren Borondatezko Etenaren eta Sexu eta Ugalketa Osasunaren Lege Organikoaren arabera, abortua librea da haurdunaldiaren 14. astera arte, eta, 14. astetik 22. astera, amaren bizia edo osasuna arriskuan badaude edo fetuak anomaliaren bat badu.
PPren asmoa da helegite horrekin 2010eko "epeen sistema" indargabetzea eta 1985eko "baldintzen legea" berrezartzea. Horren arabera, abortua legez kanpokoa izango da hiru kasutan salbu: emakumea bortxatu badute, bere osasun fisikoa edo psikologikoa arriskuan badago eta fetuak malformazioaren bat badu (22. astera arte). Malformazioei dagokien hirugarren kausa kanpoan uztearekin tematu da ministroa.
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.