Pablo Ibarri ezarritako biziarteko kartzela zigorra berretsi du Floridako Apelazio Auzitegiak
Floridako Apelazio Auzitegiak berretsi egin du Pablo Ibar euskal jatorriko presoari beste epaitegi batek ezarritako biziarteko kartzela zigorra. Ibarren epaiketa ez zela justua izan argudiatuta, helegitea aurkeztu zuen defentsak, zigorra baliogabetu eta beste epaiketa bat egitea eskatzeko. Apelazio Auzitegiak, ordea, letratuaren argudioak baztertu ditu.
Hala jakinarazi du, ohar bidez, Andres Krakenberger Pablo Ibar-Epaiketa Justua elkarteko bozeramaileak. Horren esanetan, erabakia "kolpe latza" izan da familiarentzat. Argitu duenez, Ibarren abokatuak ebazpena aztertzen ari dira Auzitegi Gorenera jotzeko aukerarik ote dagoen ikusteko.
Krakenberger bera eta Joe Nascimento abokatua Euskal Herrian izan dira egunotan, eta biak ala biak "itxaropentsu" azaldu dira balizko baliogabetze baten aurrean.
Hiru pertsona hiltzea egotzita, heriotza zigorra ezarri zioten Ibarri 1994an, eta 16 urte igaro zituen heriotzaren korridorean, harik eta 2016an zigor hori baliogabetu zuten arte. Orduko hartan auzitegiak ebatzi zuenez, epaiketan aurkeztutako "frogak oso ahulak" izan ziren. 2019an egin zuten haren kontrako epaiketa berria, eta biziarteko kartzela zigorra ezarri zioten.
Pablo Ibar elkarteak salatu duenez, "Aretoak Joe Nascimento abokatuak emandako arrazoi guztiak errefusatu ditu, eta ez du, gainera, epaia justifikatzeko inolako argudiorik eman. Defentsak emandako arrazoietako bati bakarrik heldu dio, Denis Bailey epailearen partzialtasunaren ingurukoari". Ibar biziarteko espetxealdira zigortu zuen epaimahaikideetako batek presioak salatu zituen zigorraren alde bozka zezan. Epaileak kide hori kanporatu eta beste bat jarri zuen haren ordez.
Presoaren defentsaren arabera, Apelazio Auzitegiak gainerako arrazoiak aztertu ez izanak "kalte handia" egin die Auzitegi Gorenera jotzeko aukerei. Hala, gainerako gaien inguruko idatzizko ebazpena ematea eskatu dio epaileari, ondoren Gorenean helegitea aurkeztu ahal izateko.
Eusko Jaurlaritzak espero du Pablo Ibarren kasua nazioarteko justizia-estandarretan oinarrituta erabakitzea, haren eskubideak "erabat bermatuak" izan daitezen. Sare sozialen bidez, Eusko Jaurlaritzako Giza Eskubide, Biktima eta Aniztasuneko zuzendari Monika Hernandok "une gogor honetan" Ibar familiari babesa adierazi dio. Eusko Jaurlaritzak urteak daramatza familiari laguntzen, eta aste honetan bertan bere aitarekin eta abokatuarekin bildu da.
Albiste gehiago gizartea
Gizon bat hil dute gaur goizean Bilbon, eta Ertzaintzak ikerketa abiatu du
Biktimak arma zuriz egindako zauriak zituen bularrean, eta oraindik ez dute identifikatu.
Ertzaintzak abiadura kontrolatzeko kanpaina bat egingo du datorren astean
2024an, EAEko errepideetan trafiko-istripuetan hildako pertsonen % 32 abiadura desegokiarekin lotutako ezbeharretan zendu ziren.
![(Foto de ARCHIVO)
[Sevilla] [Comunicacion.Csic.Andalucia] Ndp Científicos Del Csic Participan En La Obtención De La Escala De Riesgo Genético De Alzheimer Más Completa
REMITIDA / HANDOUT por CSIC
Fotografía remitida a medios de comunicación exclusivamente para ilustrar la noticia a la que hace referencia la imagen, y citando la procedencia de la imagen en la firma
04/9/2025](https://s7g10.scene7.com/is/image/eitb/alzheimer:eitb-banner?$eitb-banner$&fmt=webp-alpha&qlt=80)
43.700 pertsonak baino gehiagok dute alzheimerra Euskal Herrian: prebentzioa oinarrizkoa duen erronka handia
Adituen arabera, 2050. urterako 120.000 pertsona baino gehiago izan daitezke kaltetuak. Senideen eta zaintzaileen elkarteek zaintzen dituztenen eskubideak aitortzearen garrantzia azpimarratu dute, eta ikusezin bihurtu ohi den lan hori nabarmendu dute.
Bi aktibista Kursaaleko zubitik zintzilikatu dira, Palestinaren aldeko manifestazio jendetsuaren ostean
Zinemaldiak eskaintzen duen foku mediatikoa aprobetxatuz, milaka pertsonak manifestazioa egin dute gaur arratsaldean Gipuzkoako hiriburuan. Amaieran, bi ekintzaile Kursaaleko zubitik zintzilikatu dira eta ordubetez baino gehiagoz eten dute trafikoa zubian, bai ibilgailuentzat, bai oinezkoentzat.
Bi ekintzaile Zurriolako zubitik zintzilikatu dira Donostian, Palestinaren alde egin duten manifestazioan
3.000 lagun bildu dira Gipuzkoako hiriburuan Gazan gertatzen ari den genozidioaren aurkako manifestazioan, Zinemaldiaren bigarren egunean. 19:30ean, bi ekintzaile Zurriolako zubitik zintzilikatu dira, eta dozenaka lagunek Kursaaleko zubia moztu dute bai ibilgailuentzat bai oinezkoentzat.
Esako urtegia bere edukieraren % 23an dago, azken urteetako mailarik txikienean
Nafarroako urtegiak edukieraren % 41ean daude batez beste. Esan, ostera, egoera bereziki zaila da. Urtegiko irudiak, drone batekin grabatuak.
Euskararen aldeko giza kate historikoa egin dute Igorren
700 lagunek baino gehiagok euskararen aldeko giza kate historikoa egin dute Igorren (Arratia). Arratiarrek gure hizkuntzaren aldeko irudi sinboliko zirraragarri eta indartsua osatu dute.
'Ibaitik Itsasora' martxa Hendaian amaitu da, Euskal Herrian zehar palestinar herriaren alde ibili ondoren
Ehunka pertsonak "genozidioa amaitzeko" eta "Israeli boikota egiteko" eskatu dute lau orduz Hendaiako kaleetan, eta "Europaren konplizitatea" salatu dute.
20 urteko gizon bat atxilotu dute Barakaldon, polizia-patruila bat jo, agente bati ukabilkada eman eta ihes egiteagatik
Ohe baten azpian eta poltsa batzuekin estalita aurkitu zuten ertzainek. Atxilotuak polizia-aurrekari ugari ditu, eta bikotekide ohiarengana hurbiltzea debekatzen zion kautelazko neurri bat urratu zuen ostegunean.
AP-1 autobidea itxi dute Eskoriatzan, Gasteizko noranzkoan, furgoneta batek eta kamioi batek talka egin ondoren
Istripua 08:50ean jazo da. Bertaratu diren osasun langileek furgoneta gidaria artatu behar izan dute, eta Txagorritxuko Ospitalera eraman dute.