Madrilgo sutean hildako bezeroaren aitak jatetxea salatuko du
Madrilgo Burro Canaglia Bar&Resto jatetxean larunbatean izandako sutean hildako bezeroaren aitak jatetxea salatuko du, eta uste du dekorazioa izan daitekeela ezbeharraren eragile nagusia. Bi pertsona hil ziren: 25 urteko zerbitzari bat eta 43 urteko emakume getxoztar bat. Gainera, 10 lagun zauritu ziren, sei oso larri. Azken horietako bat ere bizkaitarra da, eta La Paz Unibertsitate Ospitalean dago ingresatuta, Zaintza Intentsiboen Unitatean. Polizia Zientifikoa gertatutakoa ikertzen ari da.
Hildako emakumeak Bilboko Zorrotzaurreko IMQ klinikan egiten zuen lan, erizain modura. Hango langileek minutu bateko isilunea egin dute gaur eguerdian, zendu berri den lankidea gogoratzeko.
Ikertzaileek ofizialki baieztatu ez badute ere, itxura guztien arabera, zerbitzarietako batek eskuan zuen pizza flanbeatzeko sopleteak eragin zuen sua. Lekukoek esan dutenez, tresna hori piztu zuenean sua sabaitik zintzilik zeuden landare artifizialetaraino iritsi zen eta garrak ziztu bizian zabaldu ziren. Dekorazioa egokia zen edo ez ikertzen ari dira. Jatetxeko sarreratik gertu piztu zen sua, eta barruan zeuden bezeroak eta langileak atera ezinda geratu ziren.
Azken orduotan, dekorazioaren inguruko egokitasuna ez ezik, jatetxeak sukaldea izateko baimena zuen ere jarri da zalantzan. Sare sozialetan zabaldutako mezu baten arabera, "sukalderik gabeko taberna" gisa agertzen da lokala Madrilgo ostalaritza-lokalen katalogoan. Udaletik, baina, Begoña Villacis aldateordeak berehala "zuzendu" zuen gaia atzo, 1997tik "sukaldea izateko litzentzia" baduela esanez.
Zure interesekoa izan daiteke
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.
Emakume bat San Ignazioko metro geltokian erditu da, Bilbon
Emakumea, senarrarekin batera, Lutxanako geltokian zegoen, eta zenbait bidaiarik ohartarazi dute urak egin dituela, eta, bagoirik bagoira, mediku bila aritu dira.
Bernedoko kanpalekuak antolatzen dituen elkartearen aurkako zehapen-espedientea abiatu du Arabako Aldundiak
Sarrea Euskal Udaleku Elkartearen aurkako zehapen-espedientea ireki du Aldundiak, araudiaren "bi betebehar ez betetzea" leporatuta: eskumena duen departamentuari jardueraren berri ez ematea eta eskatutako dokumentazioa Aldundiari ez helaraztea. Orain arte, 21 salaketa aurkeztu dituzte udaleku horietan parte hartu zuten adingabeen familiek, sexu-erasoak eta exhibizionismoa egitea egotzita.
Talde kriminal bateko hamar pertsona atxilotu dituzte Bilbon, salgaien salerosketan 300.000 euroko iruzurra egiteagatik
Guardia Zibilak faltsututako banku-egiaztagirien bidez enpresei iruzur egiten zien talde bat desegin du. 'Vencal' operazioaren barruan egindako operatiboan, iazko apiriletik Estatuko 18 probintziatan egindako 39 delitu argitu dira.
Gaueko zaintza-patruilak antolatzea pentsatzen ari dira Lemoan, azken hilabeteetako lapurretak direla eta
Azken bi hilabeteetan, kristalak puskatu eta 43 autotan lapurtu dute herriko hainbat puntutan. Ertzaintzak bi pertsona atxilotu ditu dagoeneko, eta beste bat ikertzen ari da.
Lehen aldiz ikusi dute ibis eremita hegaztia Nafarroan
"Giselbert 916" izena duen hegazti-alea bere espezieko lehena da eskualdean, eta Eremita Proiektuari esker dokumentatutako migrazio-ibilbide baten barruan kokatzen da.
Euskal Herriko saharar diasporak bere gaitzespena adierazi du Marokoko autonomia planaren aurrean
Euskal Herriko saharar diasporak elkarretaratzea egin du gaur Gasteizen, Mendebaldeko Sahararen autonomia plana gaitzetsi, eta Marokoren subiranotasunaren pean jarriko lukeen plana errefusatzeko. Sahararren hitzetan, Espainiako Estatua da "gure lurra abandonatu behar izatearen erantzulea", eta, hori dela eta, Espainiako Gobernuari exijitu diote autonomia plana publikoki baztertzeko, independentzia erreferenduma bat egin ahal izateko.
Argentina euskal giroan murgildu da: 2025eko Euskal Aste Nazionala hartu du Tandilek
Hiria Argentinako euskal diasporaren topagune bihurtu da. Dantza, herri kirol eta kalejira artean, mila lagun baino gehiago bildu dira euskal kultura aldarrikatzeko.