Lehortea areagotu egin da Nafarroan: iaz baino ia heren bat euri gutxiago egin du
Nafarroa foru erkidego zabala eta anitza da, eta alde handiak daude bertan batetik bestera klima eta prezipitazioei dagokienez. Iparraldean egiten du euri gehien, eragin atlantikoagatik eta orografia menditsuagatik; hegoaldea, berriz, lehorragoa eta kontinentalagoa da. Erdigunean, Iruñean, bi muturren arteko giroa du.
Euriteen bilakaera aldakorra izan da azken bost urteetan, eremuaren arabera. Baztan aldea da inguru hezeena, eta urtean batez beste 1.660 litro botatzen ditu metro koadroko. Hegoaldean, Tuterako meteorologia estazioan, metro koadroko 374 litro jasotzen dira urtean. Iruñean, berriz, 770 litro jaso ohi dituzte urtero, 2021ean eta 2022an prezipitatutakoa baino dezente gehiago.
Urte hidrologikoaren hasieratik (2022ko urriaren 1ean hasi zen) 2023ko maiatzaren 31ra arte, prezipitazioak % 27,6 txikiagoak izan dira Nafarroan aurreko urteko aldi berean baino, eta iaz 2021ean baino ia % 15 euri gehiago egin zuen; beraz, maiatzean eurite handiak izan diren arren, Nafarroa osorako aurtengo aurreikuspenak ez dira oso onak, batez ere hegoaldean, Tuteran % 40 prezipitazio gutxiago eta Iruñean ia % 27 gutxiago izan baitira. Baztanen, bestalde, aurrekoetan baino euri gutxiago baina Nafarroako hegoaldean baino askoz gehiago egin du.
Lehorteak Nafarroa osoan du eragina, baina batez ere Erriberan, Tuteran iaz baino euri gutxiago bota baitu lehen hilabeteetan. Erkidegoko gunerik lehorrena hori da: urtean batez beste 374 litro hartzen ditu metro koadroko, eta aurten, berriz, 137,4 litro baino ez.
Baztan aldean, Nafarroako inguru euritsuenean, berriz, urtean batez beste 1.660 litro euri jaso ohi dituzte metro koadroko. Hala ere, azken asteotako euri-jasak gorabehera, aurten azken bost urteetako batezbestekoaren azpitik egin du, % 15,16 gutxiago: urria eta maiatza bitartean metro koadroko 1.078 litro bota ditu.
Halaber, euriteak nabarmen jaitsi dira Nafarroako erdialdean (Iruñean, besteak beste) 2020tik.
Iberiar penintsula maiatzaren 19an astindu zuen depresio isolatuak (DANA) agerian utzi zuen Nafarroako prezipitazioen aniztasun espazial handia. Hala, Beran (Nafarroako iparraldea), metro koadroko 100 litro baino gehiago bota zituen egun batean; beste toki batzuetan, berriz, tanta gutxi batzuk baino ez ziren izan.
Erregistroak daudenetik izandako urterik lehorrena izan zen iazkoa foru lurralde osoan, aurrekoan baino ia % 40 euri gutxiago egin baitzuen.
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.