Inteligentzia artifiziala zaintza biometrikorako erabiltzea debekatu nahi du Europako Parlamentuak
Europako Parlamentuak inteligentzia artifizialari buruzko lege berriaren oinarriak finkatu ditu, eta gaur bertan behin betiko testua adosteko negoziazioak abiatuko ditu Europako Batzordearekin eta Europako Kontseiluarekin.
Zehazki, debekatu egin nahi du inteligentzia artifiziala zaintza biometrikorako, emozioak ezagutzeko eta poliziaren sistemetarako iragarpenak egiteko erabiltzea.
Euroganberak ateak itxi nahi dizkio denbora errealean espazio publikoetan egindako identifikazio biometrikoari. Hala ere, ez du baztertzen, a posteriori eta agindu judiziala baldin badago, iraganeko irudiak (ez zuzenekoak) identifikaziorako erabiltzea "delitu larrien" kasuan. Era berean, alboratu egin nahi ditu arraza, generoa, etnia edo erlijioa oinarri gisa hartuta funtzionatzen duten tresna biometrikoak. Halaber, segurtasun indarrek ezingo lukete emozioak ezagutzeko sistemarik erabili, esaterako, muga pasabideetan.
Europako Parlamentuaren gehiengoak errefusatu egiten du aurpegien datu baseak sortzeko internetetik edo telebista zirkuitu itxietatik ateratako aurpegien irudiak "modu indiskriminatuan", bereizi gabe, arakatzea.
Testua eta ikus entzunezko materiala sortzeko gai diren ChatGPT bezalako sistemak arautzeari buruzko eztabaida pil-pilean dagoen honetan, Europako Parlamentuak nahi du erabiltzaileek edukiak sortzerakoan horrelako tresnaren bat erabiltzen dutenean aitortu behar izatea.
Bestalde, Euroganberak oso erabilera zehatzak dituzten inteligentzia artifizialeko sistema batzuk arrisku handikotzat jotzen ditu, eta horregatik Europar Batasuneko oinarrizko eskubideak eta balioak errespetatzen badituzte soilik sartu ahal izango dira merkatuan.
Europar Batasuneko erakunde nagusiek datorren urterako prest izan nahi dute inteligentzia artifiziala arautzeko lehen legea.
Zure interesekoa izan daiteke
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.