Lanbide Heziketa berriaren ezaugarriak: malguagoa izango da eta nahieran ikasteko aukera emango du
Ministroen Kontseiluak gaur onartu duen dekretuak Lanbide Heziketaren eskaintza malgutzeko aukera emango die ikasketa zentroei. Sistema berri honek ekarriko dituen berrikuntza nagusiak bi dira: iraupen laburreko formazioak egiteko aukera emango da eta formazio horietan urteko edozein unetan matrikulatzeko aukera irekiko da.
Gaur onartutako dekretuak, hein handi batean, Euskal Autonomia Erkidegoko Lanbide Heziketak dagoeneko badituen neurriak hartzen ditu, ikasketa duala martxan jartzea, adibidez. Halaber, berrikuntza batzuk ere ekarriko ditu gure sistemara.
Alde batetik, orain arte eskaintzen ziren bi urteko heziketa-zikloez gainera, orain ikasketa motzagoak edo heziketa-ziklo horien zati batzuk soilik ikasteko aukera emango zaie interesatuei; alegia, mikroformazioak (iraupen laburreko formazioak, 50 ordutakoak, adibidez) egin ahal izango dira. Nahi duenak, gainera, formazio motz horiek pilatu ahal izango ditu eta ikasketa-familia ezberdinetako ikasketak aukeratu ahal izango ditu, berak nahi duen gaian espezializatu ahal izateko.
Sistema berri honen helburuetako bat da lan merkatuan urteetan dabiltzan langileek formazioa jasotzeko aukera izan dezatela. Orain arte, modulu batzuk egin ahal izateko DBHko edo batxilergo titulua izatea eskatzen zitzaien eta horrek ateak ixten zizkion pertsona askori. Aurrerantzean formazio motzak egin ahal izango dituzte eta, ondoren, ziurtagiri bat izatera iritsi ahal izango dute eurek nahi duten alor horretan.
Bestetik, aurrerantzean urteko edozein unetan matrikula egin eta formazio horietan hasteko aukera emango dute ikastetxeek. Horrela, lana eta ikasketak uztartu nahi dutenei aukerak zabalduko zaizkie.
Honekin guztiarekin, ikasten jarraitu nahi duenak nahieran, bere egoeraren arabera, antolatu ahal izango du bere formazio plana.
2022ko martxoan onartu eta gaurko dekretuak garatu duen Lanbide Heziketa Antolatu eta Integratzeko Legeak bost mailatan egituratu zuen Lanbide Heziketa berria. Atik Erainoko mailak ezarri zituen, mikroformazioetatik espezializazio handieneraino. Ikasitako mailaren arabera, akreditazioak, ziurtagiriak edo titulazioak eskuratzen joan daiteke ikaslea.
EAEko Lanbide Heziketara aldaketak ekarriko dituzten neurri hauek 24/25 ikasturtean indarrean egon beharko dute. Hala ere, Jaurlaritzako Hezkuntza Saileko Plangintza eta Antolaketako zuzendari Nicolas Sagarzazuk Euskadi Irratiko "Faktoria" saioan egin dioten elkarrizketan esan duenez, EAEko ikastetxeetako batzuek proba pilotuak egingo dituzte datorren irailetik aurrera.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.