Gazteek ez dezaten sexua indarkeriarekin lotu, elkarlanerako deia egin dio Jaurlaritzak gizarte osoari
Azaroaren 25ean ospatzen den Emakumeen aurkako Indarkeria Matxista Ezabatzeko Nazioarteko Egunari begira, adierazpen instituzionala egin du Eusko Jaurlaritzako Gobernu Kontseiluak Nerea Melgosa Berdintasun, Justizia eta Gizarte Politiketako sailburuaren ahotik. Gazteek sexua ez dezaten indarkeriarekin, mendekotasunarekin eta emakumeentzako jarrera umiliagarriarekin lotu, elkarrekin lan egiteko deia luzatu dio gizarte osoari.
Eusko Jaurlaritzak indarkeria matxistaren adierazpen guztiak gaitzetsi ditu eta, indarkeria matxista desagerrarazteko bidean, beste erakunde batzuekin eta gizarte osoarekin koordinatuta lan egiten jarraitzeko konpromisoa erakutsi nahi izan du.
Aurten, pornografian jarri nahi izan du begirada Jaurlaritzak eta prebentzioaren garrantzia azpimarratu du; batik bat, "gazteen arteko sexu-indarkeria saihesteko kalitatezko sexu-hezkuntzaren beharra" aipatu du.
Melgosak adierazi duenez, teknologiaren aurrerapenak eta Interneterako sarbide goiztiarrari esker, oso gaztetatik hasten dira nerabeak eduki pornografikoak ikusten. "Eduki horietako eszenen % 88k baino gehiagok emakumeen aurkako indarkeria fisikoa edo hitzezkoa" dutela jakinarazi du eta horrek "emakumeenganako indarkeriazko jarreren normalizazioa eta erotizazioa eta emakumeen kosifikazioa" sortzen dituela azaldu du; "neskek menderatuak izaten eta mutilek menderatzaile izaten" ikasten dutela azpimarratu du.
Eduki hauek "sexu-erasoen haztegi garrantzitsua" direla eta, ondorioz, sexu harremanetan "enpatiaren ordez botere-harremanak ezartzen" direla uste du Jaurlaritzak. Horregatik, gizarte osoari egin dio deia bakoitzak bere alea jarri dezan: erakundeei, hezitzaileei, komunikabideei, entretenimenduaren sektoreari, familiei...
Berdinaldia, berdintasunaren aldeko eta indarkeria matxistarik gabeko bizitzaren aldeko herri ituna, aipatuz, emakumeen aurkako indarkeriaren prebentzioan lan egiten jarraitzeko konpromisoa berretsi du sailburuak. Gazteak "berdintasunaren belaunaldi bihurtu" nahi duela adierazi du.
Azkenik, larunbatean, azaroaren 25ean, indarkeria matxista publikoki gaitzesteko deia egin die herritarrei.
Albiste gehiago gizartea
Froga gizarteko albistea itxasorekin
Froga gizarteko albistea sarreatxoa Froga gizarteko albistea sarreatxoa
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.