Negu giroa itzuliko da martxoko lehen asteburuan: euria, ekaitza eta elurra
Martxoko lehen asteburuan, negu itxura hartuko du eguraldiak. Euskalmeten iragarpenaren arabera, giroa ezegonkorra izango da larunbat eguerditik igande eguerdira. Tenperatura maximoek nabarmen egingo dute behera, eta euria ez ezik, txingorra ere bota dezake han-hemenka. Halaber, elur-maila 600-800 metrora jaitsiko da. Hala ere, igande arratsaldetik aurrera, atertzera egingo du eta ostarteak zabalduko dira zeruan.
Gaur, ostirala, egunak aurrera egin ahala eta aire masa hotzaren iritsierarekin batera, hodeiak ugaritu egingo dira. Hala ere, tenperatura maximoetan ez da aldaketa handiegirik espero. Gauean, euri pixka bat egin dezake, bereziki kostaldean. Elur-maila 1.300-1.500 metrora kokatuko da gauean. Halaber, haizea hego-mendebaldetik mendebaldera aldatuko da.
Larunbatean, goizean fronte baten etorrerarekin, eguraldia ezegonkortu egingo da. Goizaldean eta goizean goiz, hego-mendebaldeko haizeak gogor joko du eta ateri eutsiko dio. Goizak aurrera egin ahala, ordea, haizeak ipar-mendebaldera egin, eta lainotzera joko du. Euria mendebaldetik sartuko da eta lurralde osoan zabalduko da. Zaparradak ugariak izango dira, batez ere isurialde atlantikoan eta iluntzean, eta baliteke tarteka trumoiak jotzea eta txingorra botatzea. Arratsaldean, elur-maila oso azkar jaitsiko da eta 600-800 metrora zuritu dezake. Gainera, arratsaldean, tenperatura nabarmen jaitsiko da.
Igandean, euria eta giro nahasia izango dira nagusi goizean, baina baretzera egingo du arratsaldean. Goizean, zerua oso hodeitsu egongo da eta zaparradak botako ditu; baliteke goizaldean trumoitsuak izatea, batez ere isurialde atlantikoan. Arratsaldean, atertzera egingo du eta ostarteak irekiko dira. Haizeak mendebaldetik edo ipar-mendebaldetik joko du, nahiko zakar haizeguneetan, baina gauean baretu eta hego-mendebaldera egingo du. Elur-maila 500-600 metrotik 1.500 metrotik gora igoko da arratsaldean. Tenperatura maximoak apur bat jaitsiko dira.
Kontsulta ezazu eguraldiaren iragarpena eitb.eus-en, eta bidali zure argazkiak eta bideoak.
Zure interesekoa izan daiteke
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".